無 feel 到完全「零存在感」　液體 M 巾大測試

呢排市面上推出咗一款顛覆 M 巾界嘅新奇「液體 M 巾」，單睇網上留言就已經令人好期待，未做測試之前睇吓用家點形容先：

● 無 feel 到令我懷疑自己冇嚟 M！
● 平時用普通 M 巾會 feel 到有塊野貼住你，但係依隻唔知點解 feel 唔到。
● 吸完啲經血好淺色，原來一早吸晒落底……

真係咁犀利？一聽見網民市講到呢款產品講到咁勁，好有衝動即刻去拆解「液體 M 巾」嘅謎團，睇吓係咪用家講到咁無 feel 先！

平時係用開一般嘅棉質 M 巾嘅，頭幾日量多嘅時候存在感好明顯，而且成日覺得濕笠笠，好似呢排咁熱嘅天氣真係焗得好緊要。而且棉質 M 巾就算用最薄嗰隻，始終都有一定厚度。

至於呢款「液體 M 巾」，原來用咗一種叫做 FlexFoam 嘅獨創專利液體材料，利用高壓技術將液體材質轉化成吸水力極高材質，所以無論响厚薄、質感、液體吸收等方面都有突破表現！

未試用之前，先目測一吓呢款「液體 M 巾」先。打開包裝見到塊 M 巾真係好薄，拎上手亦好輕，如果用力拉吓佢或者扭成一嚿，仲識得回復返原本嘅條狀外形。相信呢種好似記憶棉咁嘅回彈效果就係 FlexFoam 嘅專利材料特質嘞！

細心啲睇，仲會見到尾端部分有幾條橫紋，其實呢個係突破性嘅 3D-Fit 防走位設計，可以完美貼合身體曲線，點郁點走都唔怕漏，設計果然好細心呀！

至於吸濕效果方面，原來產品採用咗專利雙層吸收材料，即係上層吸水下層鎖水，因為密度唔同，所以表層吸完會即刻分散到下層，唔會好似一般棉質 M 巾咁樣一吸完就成條變厚，表層顏色亦會逐漸變淡。

係咪好想知道用後感呢？講明先，以下都係主觀嘅感覺同評分，不過睇嚟同好多用家分享嘅講法都係一樣，就係呢款「液體 M 巾」真係同以前嘅經驗好唔同。因為平日用慣棉質，會好明顯 feel 到自己用緊 M 巾，你郁佢又郁。

至於「液體 M 巾」就唔太感覺到佢嘅存在，甚至幾乎唔記得自己黎緊 period。而且喺頭一兩日量多嗰陣，每次換巾都發現表層仲係好乾爽！如果要打一個比喻，就好似坐過頭等艙享受過 high class 服務，坐唔返伸唔直腳嘅經濟艙一樣，真係用唔返以前嗰啲！至於其他方面嘅綜合表現，我就會咁樣畀分：

再補充少少，雖然「液體 M 巾」每片計價錢的確係貴啲，但有網上留言話有時會有75折優惠，所以計落又唔係差太遠，值得每個月畀多少少體驗吓呢種 No feeling is the best feeling 嘅享受嘞！

（資料由客戶提供）