偽中產爸爸受夠港壓力到英國生活:不希望女兒重複我的生活

親子 18:05 2018/06/22

分享:

阿Ben患有抑鬱症,加上曾休克入院,令一家人認真思考同決定去英國重新生活。

香港的偽中產,英國的普通華僑,香港這個只講求錢、樓同消費的社會,相信我這種角色為數並不少。偽中產的特色就是職業地位高些小,收入多一點,但對所謂的生活消費享受品味就要多多。結果供完樓、養完車、交完稅同食買玩之後換來一堆負數。表面總是比一般大眾風光一點,但每年埋單計數剩番幾多就有苦自己知。

這種賺完就供樓養車食買玩的生活,洗完錢就繼續每日返工,做循環不息周而復始。在香港這個物質同比較的社會氛圍下,「偽中產」無論幾大壓力都總諗到理由令自己感覺良好。

但當女兒出生之後,這種自我沉醉感覺就開始清醒。自問這種輪迴式消費生活,是否應該繼續落去呢?女兒的將來,是否又是循興趣班,面試,名校,私校,神科,好工,上車這條軌跡呢?

因為當年居英權計劃,父母傳了個英籍比我。雖然曾經留學英國十幾年,老實講女兒出世之前,在食買玩的生活蒙蔽下,「回到英國生活」這個念頭絕少在腦中浮現。當女兒一個月大都未夠,親戚朋友就開始追問希望她讀什麼學校,要做各方面準備。

Ben考慮女兒的將來,是否又是循興趣班,面試,名校,私校,神科,好工這條軌跡,最後決定定居英國。(相片來源:HK, Hello UK版主阿Ben)

在這扭曲教育問題,令我開始諗離開香港生活。那管香港的「偽中產」生活尚算如意,不過心底深處真是不希望女兒重複我的生活,亦唔想她將來活在香港的價值觀裡面。

試問經已擁有食好,著好同住好的典型香港「偽中產」又點會咁容易話走就走呢?都唔好講到自己心裡面的矛盾同爭扎,就是兩公婆決定對離開香港去英國生活要達成共識,都足以影響夫妻關係。

在這堆矛盾,工作壓力同種種原因下,「慶幸」上天比了個抑鬱症,連同一次險些無命的休克比我,令一家人好認真去思考同決定去英國重新生活。

就是這樣,我由一個貪威識食的香港「偽中產」,變成今日的英國普通華僑。

更多Ben 故事,即睇移民英國要全家快樂 港爸:在香港永遠賺不夠錢

--------------------------------------------------------------------------------

Goodbye HK, Hello UK版主Ben曾經只係一個貪威識食嘅香港「偽中產」,因為一萬個理由,任性地離開香港呢個唔多Comfort嘅Comfort Zone,回到英國生活。分享由香港生存到英國生活,當中嘅每一個細節與日常。

更多移民報道,即【按此】

一家四口30萬港元移民馬來西亞賣貓山王 父母享受更多親子時光 

女兒讀書壓力大夢遊兼面部抽搐 港媽為女兒健康移民加拿大

撰文 : Goodbye HK Hello UK