【靚太睇樓團】連登巴打裝修攻略　淘寶達人訂傢俱慳1.7萬元

淘寶買衫褲鞋襪，相信不少人都已有一定經驗，但淘寶買齊全屋傢俱你又試過未？早前有連登巴打「魔巴」開設帖子「自己撈按揭 X 女朋友做淘寶 X 屋企人做裝修」分享自己的置業經過，當中為求慳盡裝修費，家中的馬桶、水龍頭、燈、洗手盤等全部以淘寶貨解決。埋單計數，原來在香港買大約要3.4萬元，但淘寶後，全部貨品合共只需約1.7萬元，竟比香港買平足一半！

TOPick訪問連登巴打「魔巴」，由選購、訂貨到運送至香港，逐一詳細解說！

▲ 早前連登巴打「魔巴」分享了他為新居佈置的經過。

連登巴打「魔巴」在帖內分享了自己買的各項物品，及購買的相關連結。他主要在傢俱、水電及水泥的範疇上從淘寶中入貨。

▲ 洗手間的洗手盤。

至於為何選擇淘寶，而不在香港購買，魔巴就解釋，同一質素的貨品，淘寶定價較便宜。以他購買的304不鏽鋼廚房洗手盤為例，淘寶買只需約500人民幣，香港買卻要1,300港元。另外買客廳大燈亦慳了不少，淘寶只需1,000人民幣，香港買卻要3,000至4,000港元。

▲ 廚房的不鏽鋼洗手盤。

他又說，淘寶買的另一好處是，不論設計或呎吋，淘寶都比香港買更多選擇。而且對在職人士來說，可以一次過上網睇，不用出街逐間店去揀，無疑亦可節省更多時間。

另外，如果想要一些訂製款式的物品，淘寶買亦會比香港便宜。「魔巴」直言，由於訂價如太平「無肉食」，在香港很難找人去做；訂價太貴，又可能令自己支出增加。以他訂造圖案屏風上的裝飾版，淘寶訂造做4塊合共360人民幣，手工及顏色均令人滿意，而香港則每塊要1000元。

▲ 在淘寶找人訂製的屏風。

不少港人可能仍擔心，淘寶貨價錢雖平，但質量參差，TOPick聯絡了他請教一下如何精打細選，在淘寶以較便宜的價錢買到高質量貨品：

1. 留意網店規模

想確保貨品有一定質素，可留意以下兩點。第一點，留意對方屬哪一類型的賣家，可選在天貓開業的，或一些具營業執照的企業高店。由於這些網店有一定的經營規模，質素較具保證。

2. 睇店舖信用等級及評分

第二，就是看賣家的信用等級。由於淘寶會根據賣家過往曾獲多少好評，定出其信用等級，由較低級的心心、鑽石、藍色王冠到最高級的金色王冠。更仔細的，可留意買家的售後評分，了解其產品描述、物流質素、賣家服務，5分滿分中，如買家評其有4.8至4.9分會比較有信心。

3. 留意產品評價

除了看店舖，亦要留意產品的評價。魔巴指，主要可留意購買後用家留言指哪些地方做得好，哪些地方做得不夠好。如果留言附圖或短片，詳細指出產品，其留言就更具參考價值。魔巴說自己會特別留意附短片的留言，因為無法「p圖」，感覺較為真實。

4. 資料不詳盡就問清楚賣家

例如產品用甚麼類型的物料製作，如本身沒有詳細列明，可先留言問清楚賣家。例如魔巴買床單想知布料針數，事關針數愈高，質地愈好，睇下係咪1千針以上。

5. 其他注意事項

亦有人會擔心運送時貨品耗損，其實可以在購買前問清楚對方會如何包裝貨品，如有損毀會否補發。

度呎吋方面，最好找裝修師傅幫忙量度實質呎吋。例如「魔巴」訂洗手盤時，由於要預留地方放水喉，一般人未必知道要預留幾多cm。

另外也要留意香港及內地的呎吋或規格分別。例如淘寶上不少馬桶均屬「地排」式設計，即排水位都在地下，但香港的馬桶排水位多在牆內，即所謂的「牆排」，因此淘寶時亦要多留意。

集運方面，如要淘寶大型物件，例如窗簾桿，最好先問清楚集運廠是否真的可將貨品運往香港。

【更多淘寶攻略】

順豐速運以外的選擇　淘寶集運收費最平首公斤10元

淘寶梳化直送香港　淘寶達人的集運攻略

淘寶達人網購梳化洗衣機直送香港　如何避開中伏位？