黃子華棟篤笑《金盆𠺘口》開騷　撐子華神金句回顧

黃子華2018年棟篤笑，亦是子華神最後一次棟篤笑的《金盆𠺘口》，明天（7月6日）開騷，可能是大家最後一次向黃子華大叫「除褲」、「回水」的機會。而黃子華原計劃今次棟篤笑《金盆𠺘口》開17場，卻因一票難求，「唔休息都要加場」的子華神終極加場至26場。

黃子華在早前把自己歷來棟篤笑放上youtube讓大家免費任睇，詳情請看https://bit.ly/2lZjwhL

趁黃子華2018年棟篤笑《金盆𠺘口》開騷前，TOPick跟大家回顧子華神的棟篤笑如何笑盡人生百態。

▲ （經濟日報圖片）

愛情篇

「情侶好與壞，在乎溝通與關懷。」

「戀愛係一盤生意，你要24小時諗住佢。」

「係呢個世界上有100分嘅男仔，仲有100分嘅女仔，但就係無100分嘅伴侶。」

女人篇

「靚就唔洗扮，扮就唔慌靚。 」

「大家都知，女人撞衫，仲大件事過撞車。」

「咩叫化粧啊，你落左粧我都認得你就叫化粧，你落左我唔認得你就叫喬裝 。」

男人篇

「男人會問：『你愛兄弟定愛老婆？』咁我會答：『 兄弟嘅老婆 』」

「基本上男人係做到三個不，不主動，不抗拒，最重要我地係不負責嘅。」

「豬扒令到我哋啲男人好唔安樂，但卻令到你哋啲女人好快樂。」

「我第一次戀愛之前，我嘅小龍女只需要一個條件，就係靚，我知我咁樣諗好膚淺。但係嗰陣時我仲細，唔知道原來身材都好重要架。」

職場篇

「我覺得講得出「我好鍾意返工」呢句說話既人，一定係鬼上身。」

「老闆真是很天真的人，他不明白我們這些做員工的人，外表就像一個成年人，但其實同冇做功課的小學生心態一模一樣，每日最希望就是明天打風。」

「在一個員工的心目中，工資與表現應該脫勾。無表現，照出糧；有表現，要出4糧至8糧，愈多愈好，那麼公司會執笠？唔緊要，攞賠償。」

人生哲理篇

「人生三大矛盾：搵食啫！犯法啊？我想㗎？ 」

「錯就要認，要對方認！ 」

「做男人要有三個C ， Car、Cash 、Credit Card。我會話:『好巴閉咩？我夠有3個C啦，CHEAP、CHEAPER、CHEAPERPER！』」

【睇更多黃子華資訊】

【延伸閱讀】黃子華最後一次棟篤笑　子華神夭心夭肺愛情金句回顧

【延伸閱讀】黃子華金句語錄：講得出「好鍾意返工」一定鬼上身

【延伸閱讀】黃子華棟篤笑《金盆𠺘口》　回顧子華神棟篤笑經典人生金句