馬來西亞榴槤園直擊 榴槤達人揀靚榴槤秘訣:連果柄釘夠硬代表新鮮 

休閒 16:48 2018/08/20

分享:

馬來西亞榴槤達人教揀新鮮靚榴槤。

每年6月至9月都是馬來西亞榴槤當造的季節,是次我們造訪馬來西亞馬六甲的Lim Poh Wah的榴槤園,D13、黑刺、竹腳、貓山王等皆可選食品評,榴槤檔老闆阿Ling更教我們揀榴槤的方法。

榴槤果園的7種榴槤:從左到右D2、D101、XO、貓山王、D13、竹腳及黑刺,各有不同的口感。(攝影︰馮柏偉)

每逢夏季,都是品榴槤的好時辰,當中馬來西亞以樹上熟、選擇甚多馳名,這間Lim Poh Wah是馬六甲市郊公路上的熱帶生果園,是不少旅行團的至愛。榴槤園面積近10畝有300多棵榴槤樹,1年可產20噸,開園已逾30年,口碑不俗。

7款榴槤 Creamy甘甜樣樣齊

種榴槤要看天氣,先要查看花期,然後再跟進果實收結度與雨水量,馬來西亞榴槤不似泰國,不用刻意去找人摘,而是吃樹上熟、天然掉下來的,那才新鮮甜美。

女檔主阿Ling表示,今年馬來西亞的榴槤大收,而他們主要出產D24、D18、D101、竹腳、紅蝦、貓山王等20多個品種,D當然是英文Durian的簡稱,原來據她說,數字是不同榴槤的「嫁接」的代號(亦即是配種後的新名,以數字代替)。

阿Ling說︰

阿爸那代沒這些編號,後來果農各自研發榴槤品種,向政府申請,譬如將D13與D24嫁接變了D96的口味,千變萬化。

貓山王1公斤40馬幣 / 77港元,平過香港起碼一半。(攝影︰馮柏偉)

記者來時,阿Ling已打點好一切,7顆一字排開分別是D2、D101、XO、貓山王、D13、竹腳及黑刺,她表示已是由左至右的淡濃程度排好。

我非榴槤狂迷,但目測黑刺較濕、XO則較清爽。同行的馬來西亞旅遊促進局市場推廣經理Elsa,本身是榴槤鐵粉,啖啖品評,覺得:

D2清甜,肉結實;

D101苦中帶甜,有回甘;

XO的肉Creamy像雪糕,味帶酒澀,是幾款榴槤最突出的;

貓山王肉味香甜濃郁,回甘味重,層次豐富;D13甘美;

竹腳肉質較鞋,甜中帶甘,比D13更濃郁;

黑刺最甜但很流質,味道較單一。

星晨旅遊的市場部主管Henry ,與馬來西亞旅遊促進局市場推廣經理Elsa,實行Durian tasting,每人一兩件可試不同的味道口感。(攝影︰馮柏偉)

4大揀榴槤要點

在Lim Poh Wah不是放題任食,都是按斤秤,如甚受港客歡迎的貓山王,1公斤40馬幣(約77港元)、D24及D2是1公斤20馬幣(約38港元)、紅蝦/ D101 /竹腳則1公斤30馬幣(約58港元),當然是比香港平一大截了。

榴槤園主阿Ling表示,榴槤要揀連果柄,及釘夠硬的,那代表新鮮。

如何挑好的榴槤?阿Ling表示,各榴槤品種不一,但大致而言︰

1. 要揀連果柄,及釘夠硬的,那代表新鮮。

2. 聞一聞香氣,香味愈濃代表愈成熟。

3. 第二可搖一搖,有聲的話代表較乾身,沒聲的較濕而Creamy

4. 第三不要挑榴槤「屁股裂開」的,因為接觸空氣後會很快變壞。

撰文 : 馮柏偉 TOPick記者