科大學生上門道歉 雞髀店:已原諒他們別再人身攻擊

社會 23:25 2018/08/29

分享:

店主已接受學生道歉,並希望大家不要再人身攻擊他們。

科大學生會因辦迎新營向雞髀店要求贊助200隻雞翼,雙方約定今日(8月29日)上午取貨,未料學生竟然NO Show,店主在網上大呻白白浪費了店員時間和心意,感到非常憤怒。狠批:

現今的年青人(唔係全部,只係指某部分)點解連一點點嘅尊重、禮貌同埋珍惜都唔識?

事件在網上瘋傳半日,店主在晚上約10時再發帖,指學生已上門道歉,店主亦已接受,更為學生講好說話:

人總有做錯的時候,大家都年青過、魯莽過、做錯過,我地相信今次嘅事件,佢地亦都已經反省左,亦受到應得嘅教訓,所以都希望大家比個機會年青人繼續向前行,唔好再人生攻擊佢地,亦都可以放低件事,由它過去吧

科大發言人表示,就有科大宿舍學生會向食店徵求贊助後失約事件,大學已向相關同學作出了解,有關成員承認於處理事件手法上有所不當,已於今晚 (8月29日)偕同科大學生會主席親身前往相關店舖,向店主鄭重道歉。

科大有就學生會的迎新活動提供指引。大學提醒同學應時刻留意言行、尊重自己及他人,並注意社會對接受高等教育學生的期望和要求。

事件緣起請看:
科大迎新營求小店贊助200隻雞翼 交貨日No Show店主憤怒


髀魔回應全文:

雞髀第一店覺得充滿正能量

其實我地出個post都只係想呻下,無諗過要搞大件事,好多謝各位支持小店,令到我地覺得香港人真係充滿正義感,真心感激各位。

亦都講返,剛剛個年青人連同一班學生會成員黎到本店,好有誠意地同我地道歉。我地亦都接受左佢地嘅道歉。人總有做錯的時候,大家都年青過、魯莽過、做錯過,我地相信今次嘅事件,佢地亦都已經反省左,亦受到應得嘅教訓,所以都希望大家比個機會年青人繼續向前行,唔好再人生(身)攻擊佢地,亦都可以放低件事,由它過去吧。

真心說話,人誰無錯。最緊要知錯同認錯。年青人閱歷尚淺,只希望佢地經歷今次事件後,汲取教訓,會懂得尊重別人同埋珍惜人地對佢地嘅心意。幸福不是必然,不要把所擁有的當作是理所當然。

最後,因為我地已經原諒左佢地,相信佢地亦都已經知錯,所以希望大家都唔好再將件事繼續發大,大家都比返啲正能量大家 

本店在此衷心感激各位

科大學生上門道歉,雞髀店:已原諒他們別再人身攻擊。(網上圖片)

【延伸閱讀】科大迎新營雞翼贊助再起風波 疑似莊員無悔意口出狂言:你贊助我就一定要?