【颱風山竹】日出康城爆玻璃巨響如塌樓　戶主：人肉擋門8小時

超強颱風「山竹」襲港，全港滿目瘡痍，不少住宅和商廈都遭破壞，將軍澳日出康城「爆窗」片段在網上瘋傳。受影響的日出康城住戶陳先生今早接受電台節目訪問時憶述，昨日（16日）早上8時許，他與太太分別在廁所及客廳處理滲水問題，突然聽到「嘭」一聲巨響：

好大聲好似地震咁，我地以為冧樓，周圍睇下先知原來係主人房成個窗「爆晒」，穿左一個大窿咁。

他說，被強風吹破的窗面積約5呎半乘4呎半，早已貼上膠紙擋風，但亦無補於事，放置在窗台的東西全被吹走，惟求助無門。他指：

999個邊記錄了我的資料後，再駁去消防，但消防了解左我家的情況後，卻說『我地幫唔到你』，我話『唔得喎，宜家9號風球，啲風扯晒我啲野出去』，對方依然答『我地做唔到野』，最後將來電駁番比警方，再安排警員上門了解。

陳先生續稱，事故後亦有通知管理處，獲派兩名工程人員上門查看情況，但對方表示，需待風球除下後才可修理窗戶。陳先生唯有將主人房門鎖上，希望將影響減到最低，卻事與願遺：

之後掛10號風球，強風不斷撞門，我地差唔多有6至8小時輪流擋住度門，冇人黎支援都冇辦法，希望屋苑物管處盡快跟進。

更多颱風山竹報道【按此即看】