擬向遺產申領逾20萬補辦大壽 梅媽:朋友話你仲有幾多個91歲

法庭 12:50 2018/11/15

分享:

年屆94歲的梅媽要求遺產撥款給她作辦壽宴用。

梅艷芳母親覃美金今(15日)再到法庭擬向遺產申領款項,現年94歲的梅媽向法官表示要「搞大壽」,她指梅艷芳生前曾替她辦61歲及71歲壽宴,惟至81歲梅艷芳辭世,梅媽便沒有再辦壽宴。年屆94歲的梅媽於庭上表示,「朋友話,咁耐唔做,你仲有幾多個91歲」,梅媽向法官表示「我都有朋友,唔通鬼鬼祟祟整返兩圍」。

法官基於梅媽是次申請只通知遺產執行人滙豐信託,但未有通知遺產受益人之一妙境佛學會,故將申請押後再排期處理。梅媽透露擬於灣仔一酒店延開30多席,估計須花費逾20多萬元,被問及於那間酒店時,梅媽卻未能說出。

申請人覃美金今由外傭及一名男性友人陪伴到高院應訊,法官甫開庭指因梅媽未有通知妙境佛學會,故須重新排期聆訊。梅媽於庭上指要「搞大壽」,「過年就係,酒店唔等得我咁耐,你快啲排個快期」。

梅媽又質疑「攞啲咁多錢又要呢個問嗰個,劉培基要攞錢有無問過咁多人呀」,法官即指「嗰啲已解決」。梅媽又質疑「阿梅有無講過唔俾我洗」,法官回應「梅女士無講過任何嘢,所以要由法庭判決囉」。

梅媽又指「法官你無留難我」,法官即回應「我無留難你」,梅媽續指「我點同酒店解釋,我訂咗時間訂咗位」,法官表示「呢個我無辦法,唔係清朝喎,唔係官有無限權威」。梅媽鍥而不捨要求法官「不如你一次過俾幾多佢」,法官表示「我無權咁做,你可能洗哂」,並指梅媽有人協助,不明白為何是次申請沒有通知對方。梅媽即強調「無人幫我,請人都要俾車錢」。