視障伯伯帶導盲犬上巴士被拒 九巴fb最新回應:我們會做得更好

社會 17:19 2019/01/04

分享:

九巴於官方Facebook發帖承諾會做得更好。

有網民指一名視障伯伯帶著導盲犬排隊上巴士時,即使被司機檢查證明文件後仍被拒絕上車。事件在網上引來不少迴響,更有網民主動打去九巴投訴,希望為伯伯抱不平,但一直未獲九巴回應。九巴回覆TOPick查詢時表示,車長查證後已讓伯伯上車。九巴今日下午亦在Facebook專頁上載照片,表示未來一定會歡迎導盲犬。

九巴回應:我們會做得更好

有網民指出視障伯伯被拒上車,期間更有警員介入,而且伯伯其後心情低落,「喊到收唔到聲」。(事件詳情請見【視障伯伯帶導盲犬上巴士被拒 目擊網民:伯伯喊咗好耐】)

九巴今日下午就在Facebook「KMB九巴專頁」上載一張照片,照片中有一隻導盲犬,並寫著:「我咁乖,希望下次車長認得我啦!」,而帖文則寫上:

對唔住呀狗狗,多謝你咁乖為視障人士服務
我哋會提醒各位車長認得你,下次你放心上車啦,我哋一定歡迎你!

九巴專頁似是回應事件。

對於網民指事件擾攘近25分鐘,又指司機開車時「故意踩大油」,九巴發言人回覆TOPick查詢時作澄清,指車長當時並沒有報警,檢查證明文件後就已經讓伯伯上車,事件發生前後只是數分鐘。伯伯上車後情緒亦不算激動,並沒有哭,車長亦沒有「故意踩大油」。九巴承諾會為車長提供指引及訓練,以協助視障人士使用巴士服務。

另外亦有一名網民站出來為車長抱不平,指司機當時十分有禮貌,雙分各執一詞。以下為帖文部份節錄:

司機之後打去總台:「有位先生拖住隻好大嘅狗,話係導盲犬想上車,話有證,但係我未處理過呢啲情況,唔識睇,咁比唔比佢上啊?」總台回應係派糾察黎check,於是架車就hold住唔行得,即時有乘客鼓躁:「有冇搞錯啊?趕住返工啊!」

司機好有禮貌:「對唔住啊,因為我唔識睇,要問返公司。」並即時再call總台摧糾察快啲黎,有位男乘客準備落車轉第二架,用盡粗口鬧司機:「唔識睇唔好學人揸巴士啦!懶有程序!你唔打上去未冇事囉!」

好快有糾察到,查證,比帶住導盲犬嘅先生上車,巴士立即出發,本來準備落車嘅粗口男上返車,不忘繼續辱罵司機。帶導盲犬嘅先生同全車人講左句:「對唔住啊咁多位。」