由全場最旺變無糧出的水果店 80後子承父業堅持賣靚水果:行家都笑我「戇居」

社會 18:10 2019/01/14

分享:

Shoulder子承父業接手經營水果小店,面對平價水果競爭,他堅持賣優質水果。

黃大仙大成街街市有一間水果檔,街坊眼中可能是專賣貴水果、不太抵買的一檔,但偏偏有區外熟客會專程光顧,因為「太子爺」總有驚喜,能推介不同產地的靚水果。「太子爺」由病重父親接手這個曾經是全場最旺的水果檔,如今鬥不過平價果檔,決定以質取勝,卻因入貨量少受盡欄商白眼,自己更連月白做「無糧出」,行家都笑他「戇居」。但他不甘心家業毀在自己手,堅持讓客人吃到優質好味的靚水果,期待曙光。

80後「Shoulder」接手父親的生果檔「林記」,他日前在fb專頁帖文慨嘆道:

去攞貨俾班老鬼笑
笑我攞野攞得小到不知所謂
掉(丟)個老豆架
樣樣攞一件自己食嗎
有好野好價錢邊到我... ...

Shoulder父親經營生果店已40多年,在1997年11月遷入剛啟用的黃大仙大成街街市,至今超過20年,惟因70多歲的老父年邁加上患病,Shoulder作為長子放棄了原本的配音工作,繼承父親經營生果店。

80後Shoulder子承父業經營水果檔,但面對連鎖店平價「頂爛市」,他只能以優質取勝,卻受盡嘲諷。(張永康攝)

Shoulder接受TOPick訪問時坦言:

我好記得在2017年12月24日接手生果舖,但生果店的生意已大不如前,我已經兩個月無出糧了!

Shoulder稱父親以往會大量入貨,並以廉價作傾銷,當年生意非常好,買生果的人流絡繹不絕,更堪稱大成街街市最旺的生果檔,

我記得8、9歲時幫老豆搬一箱箱的橙,搬了數十箱之後,老豆話仲有一百箱,搬極都仲有!果欄啲欄商見到佢都好開心,因為佢入好多貨。

不過,時而勢易,街市湧現很多連鎖平價生果店,他們入貨量非常多,可以壓低零售價「頂爛市」,小本經營的果檔根本無法鬥,他形容像被人「撳住嚟打」,

我無論賣到幾平,佢都可以再低過我嘅定價,根本無辦法贏到!去到果檔又因入貨量不多,問過幾次價之後就勁畀人鬧,真係好無地自容,依家已經唔敢再問!

生意未如理想,Shoulder感覺氣餒,但仍不忘找尋其他出路,

買生果的市民可以好兩極,大部份香港市民都不理質素,只求買到平貨;亦有部份人希望食到質素好的生果!我惟有一邊賣平價貨,一邊又入一啲貴價生果,希望可以儲到一班願意買有質素生果的顧客!

Shoulder希望令顧客認識更多不同種類的生果,

好似牛油果咁,可以來自唔同國家,我有賣澳洲牛油果、西班牙無核牛油果、有機墨西哥牛油果,3款牛油果無論是食法及價錢都唔同。我可以賺的都只是微利,有時無客識欣賞,分分鐘擺到爛,最後又血本無歸!

Shoulder入貨講求優質,以牛油果為例,就有澳洲(左)和有機墨西哥牛油果(右)。

Shoulder坦言行家都笑他「戇居」,

行家笑我有理想,但賺唔到錢。

Shoulder希望可以打破困局「殺出一條血路」,改變港人購買生果的習慣,接受一些不多見,但很有益的生果,甚至可食用較高質的生果。他趁陪爸爸覆診的時候,定期更新facebook專頁「Fresh_and_shoulder」,讓更多人知道每期當造的靚水果,亦解構不同產地的分別。