濕疹打工仔遇上絕世好老闆超窩心問候 批准Home Office勸多休息

職場 11:14 2019/01/18

分享:

好老闆的窩心問候令打工仔感動流淚!

好老闆,可遇不可求!有上班族分享自己有一位「絕世好老闆」,自己因濕疹惡化經常請假看醫生,老闆不但沒有責怪,更批准他在家工作,更叫他要多休息、煲湯水,令這位幸運的上班族感動得流淚。

有網民投稿至職場fb專頁「奴工處」,指因自己近月濕疹惡化而經常請假睇醫生。某日老闆叫該名打工仔「入房」,本以為被照肺,怎料原來老闆超窩心說「可以在家工作一排」。打工仔引述老闆指,因自己住得遠,如在家工作可節省乘車時間,爭取更多時間休息。老闆更叫他放鬆一點,勿給自己太大壓力,更讚他「你已經做得好好」。

二人再傾談之下,打工仔發現原來老闆如此體貼有同理心,皆因自己的兒子同樣患有濕疹,老闆身同感受指「我知道係好辛苦」。

打工仔指,聽畢老闆的說話深受感動,更稱「我聽完即場感動到喊咗出嚟,覺得自己好幸運」。不少網民都非常羨慕他遇到好老闆,更指「呢種老世差不多已經絕種」,連fb專頁小編都寫道:「你老世請唔請人?」

以下為上班族投稿的全文:

我近幾個月生濕疹好嚴重,都請過幾次半日假睇醫生,有時開會個身都好痕,但又要忍住唔可以出醜。

我老世尋日叫我入房,話我可以在家工作一排,因為我住得遠,佢話唔使迫車搭車,可以多啲時間瞓休息下,又叫我唔好畀咁大壓力自己,話我已經做得好好。

佢話佢個仔都有濕疹,佢知道係好辛苦,又建議我試下煲咩湯水。

我聽完即場感動到喊咗出嚟,覺得自己好幸運