一家大細去旅行港媽想工人姐姐夾錢 網民鬧爆港媽:出Trip仲要夾錢?

職場 11:18 2019/01/19

分享:

一家大細去旅行,有女僱主問工人姐姐旅行開支使費應由誰負責?

一家大細去旅行,有部分家庭會選擇帶同外傭一起外遊,但旅行開支使費應由誰負責?近日一名女僱主發帖討論同一問題,引來網民熱議,女僱主問「帶埋工人姐姐去旅行你地會點做,會唔會叫佢俾少少錢?」隨即被網民鬧爆,更反問「如果老細要你出Trip,你會唔會自己俾錢?」

該名女僱主於fb群組「外傭僱主必看新聞訊息」發帖,指全家即將去旅行,而她亦問過工人姐姐意願,指她不想自己一人留在家中,希望一起同遊。女僱主又指,是次外遊「出去純粹玩」,兩名兒子亦不需照顧,因此問各網民意見「帶埋工人姐姐去旅行你地會點做,會唔會叫佢俾少少錢?」

女僱主又稱,以往曾帶工人姐姐去北京旅行,更指「全程5星級別」,但沒有收工人姐姐錢。雖然女僱主未有提及是次旅行目的地,但她指「機票酒店人均4000,飲食門票唔計。保守埋數超過6000蚊。」

帖文隨即引來網民熱烈討論,但留言幾乎都是一面倒大鬧樓主無常識,有人留言斥責女僱主:「如果老細要你出Trip,你會唔會自己俾錢?」網民認為根本不應該要求工人姐姐夾錢去旅行,更有網民認為女僱主雖然說「出去純粹玩」,但旅程中總有機會要求工人姐姐工作,並稱「如果我出國工幹仲要我俾錢,咁好搞笑啫」。

雖然女僱主早明言「冇諗住叫佢俾錢啊」,但不少網民依然鬧爆女僱主。未知是否因討論過於熱烈,該帖文後來已被刪除。

以下為原帖全文:

帶埋工人姐姐去旅行你地會點做,會唔會叫佢俾少少錢?

機票酒店人均4000,飲食~門票唔計。保守埋數超過6000蚊。試過一次去北京全程5星級別,冇收佢錢。出去純粹玩,我2個仔都大唔洗湊,一個21、一個11。有徵求過佢意見,佢話想一齊去,唔想一個人留屋企。冇諗住叫佢俾錢啊,想睇下大家慣常做法姐

香港家庭傭工僱主協會主席容馬珊兒指出,外傭有權拒絕跟隨僱主外遊。如外傭自願去旅行,當外傭離開香港境外已非傭工身分,而僱主帶外傭去旅行純粹是「朋友關係」,而非僱傭關係。

容馬珊兒指,由於外傭離開香港境外,一旦發生意外卻不受工作合約保障,因此她提醒僱主出發前應與外傭達成共識,寫下「自願書」指外傭願意去旅行,並列明是否需要支付旅行開支,及是否需要動用外傭的年假,同時應為外傭買旅行保險。

至於僱主是否必須支付外傭旅行的開支?容馬珊兒指不一定,因離開香港境外,外傭僱主已非僱傭關係,沒有相關法例列明必須支付外傭外遊的開支,但不少僱主都會支付有關費用。容馬珊兒指自己過往亦曾多次帶其家傭到長隆、澳門等地作短途旅行,「工人做得好,帶她去附近地方吃喝玩樂當獎勵,她們會好開心。」但容馬珊兒強調,必須要購買旅行保險,而保險費用由外傭或僱主負責亦可。