父母別只關心仔女「考試考成點」 方健儀:生命中並非只有工作和學業

親子 16:02 2019/01/24

分享:

方健儀建議,父母別只關心仔女「考試考成點」。

這篇專欄的主題我絕對外行,不過我仍想寫。為了看起來更專業,我更越洋請教一位專家,因為今次要說「親子教育」。你第一時間可能想︰「你無嘢嗎?無兒女學咩人講親子教育?」即使膝下無兒,最近一次觀察,令我覺得做家長應學懂適可而止。

事發在上星期,我與一名年輕母親及就讀幼稚園的女兒在屋苑大堂等升降機,期間家長不斷問女兒︰「今日返學學咗乜?老師有無教普通話?英文又教咗乜?」女兒默不作聲,直至大家進入升降機,機門關上後,女兒突然高聲爆出一句︰「唔好再問呀!你好煩呀!」

正在玩手機的我,手指被小女孩的咆哮聲嚇停,然後不禁斜視兩名事主。大人尷尬地煞停了嘴巴,女孩則眼珠向上。靜止三秒,以為母親再開口是教訓女兒無禮,誰知她繼續問︰「咁即係返學學咗啲乜?老師教咗乜?」女兒不管,待電梯門開啟立即逃離現場。

雖然我沒有小孩,但也感受到那20秒的對話很有問題。我理解家長關心小孩學業,但兒童與成人一樣,上學也有壓力,放學後不斷被阿媽轟炸,實在令人窒息。如果父母真的想逗子女聊天,除了學業應談甚麼?我不敢胡扯,因此特意請教親子專家鄧藹霖Blanche。

她說,如果子女年幼時已投訴媽媽煩,到青少年階段,媽媽所說的都是耳邊風。因此彼此必須及早建立良好關係,讓孩子喜歡親近父母。首先,要讓孩子感受到父母的愛是無條件,並非「你讀書叻就錫你,差就唔理你」;另外,父母也需要與時並進,尋找有趣的話題,可與子女傾談潮流或世界趣聞。Blanche舉例︰「最近日本有位好出名嘅姨姨叫Marie Kondo,佢摺衫好叻㗎,摺完件件可以企喺度,不如我哋都試下」,從而訓練孩子自理能力;亦可跟她說「婆婆扭親隻腳,好痛呀,不如我哋去探下佢為佢打氣」,訓練其同理心。

其實大人小孩都一樣,生命中並非只有工作或學業,反而每天點滴的有趣體會,往往是成長的關鍵。各位家長們,別只識問「考試考成點」,別再做大悶蛋,多點花心思,及早讓自己成為可親的人。

文章刊於《晴報》,《晴報》facebook

 

撰文 : 方健儀