連登仔票選Annual Dinner最垃圾抽獎禮物 「幸運兒」抽中一孖臘腸

職場 18:15 2019/01/29

分享:

樓主巴打稱自己曾抽中公司的Brand Book

不少公司都會在年底舉行Annual Dinner,其中員工們最期待的環節必定是壓軸大抽奬,當大家期待抽中萬元現金大獎時,往往抽中令你意想不到的「絕世好禮物」。有連登巴打近日發帖討論,分享抽奬「黑歷史」,當中最惹笑包括就過期杯麵一箱、一孖臘腸等等。

連登巴打以〈最垃圾的annual dinner 抽獎禮物〉為題發帖,討論各人曾抽中的Annual Dinner垃圾禮物。樓主巴打稱自己曾抽中公司的Brand Book,他稱拆開禮物時百感交集:

拆完個刻真係呆咗, 想爆粗黑面都唔得, 仲要沉住氣演埋場內心戲。真係人生黑歷史, 笑到今日仲笑緊。

樓主巴打「拋磚引玉」後,更邀請其他巴打分享「更cheap禮物」。當中不少巴打都表示曾抽中食物,包括一箱快過期的杯麵、一孖臘腸、一樽XO醬、10張一星期後到期的咖啡券等等。有巴打笑言,午、晚各一杯咖啡,都可以飲到5日。

不過提到最多人怕抽中的獎品,竟然是現金獎。因為中獎者往往會被其他同事「屈請食飯」,

試過抽中現金獎,第二日返工啲同事開始屈我請食飯。有巴打稱曾抽到現金獎,但事後要請所有同事食海鮮;亦有另一位中獎巴打分享拒絕請食飯經歷,指事後同事要求請食飯,他企硬堅持稱「獎金已用完」,同事只好無奈地說「唉,屈唔到你食飯添」便完事。