六旬父被指多次性侵親女　與警會面稱：好食梗係翻食

六旬父親涉於親生女兒就讀小學期間，多次在子女一同睡覺期間，在兒子身旁將女兒強姦，涉案父親早前否認強姦及非禮等7項控罪，案件今日（29日）於高等法院續審，庭上播放63歲被告與警方會面時的錄影紀錄。

被告於會面中承認，曾多次對女兒「摸摸揸揸」，即非禮女兒的胸部及下體，但強調並非每次都會以手指插入女兒的下體，又堅拒承認曾強姦女兒：

只是以下體喺佢（下體）表面掃過下，之後又攞隻手摸下，從來都無篤入去，我自己都無喺佢面前出過精。

至於被問及曾經要求女兒原諒，被告承認曾經與妻子及女兒一同傾談，妻子有「幫口」要求女兒原諒他：

因為佢（妻子）都驚，如果唔原諒，拉咗，佢（妻子）就無咗個老公。

被告又指，後來他擁著女兒痛哭，女兒看似心軟，未有作聲便離開房間。

被問及與家人的關係，被告強調自己與家人關係很好，自己亦非常疼錫妻子及子女，

我同個女關係都非常好，但我就唔知點解（自己）做出啲咁嘅嘢。

被告又解釋自己性侵女兒是出於一時衝動，至於為何多番性侵女兒，他坦言：

等於食嘢，咦，好食喎，你會唔會食一次？梗係翻食㗎啦！

被告又承認曾要求女兒勿將事件告知母親，

唔好話俾媽咪聽喎，如果唔係媽咪同我離婚都有份㗎喎！

聆訊明續。