30件媽媽為孩子改變的事情 港媽剖白:弱質女子變力大如牛

親子 12:15 2019/01/30

分享:

30件媽媽為孩子改變的事情。

母愛偉大毋庸置疑,網友和牛B媽媽為歸納了「30件媽媽為孩子改變的事情」,相信引起許多媽咪的共鳴。她說由零經驗嘅新手媽媽漸漸成為有經驗的媽媽,兩年幾有好多得著,有喜又有悲,真係百感交集。
 
1. 每天的充足睡眠(8小時) → 瞓到6小時已經偷笑 

BB剛出生在醫院的幾天,可以整天看著BB唔瞓都得。初生嘅頭一個月,我每日嘅睡眠時間都唔夠2小時,佢哋絕對是魔嬰…你認同嗎? 到而家2歲半哄睡時間都仲需要1小時,真係超長!!唔知點解唔願瞓…

2. 極怕污衊物 → 換片高手,甚至乎當佢哋要嘔嘅的時候,都會用手接住嘔吐物…

3. 弱質女子 → 變到力大如牛,阿女幾重都抱得起! (不過最近我真係開始力有不遞啦…) 

4. 與世隔絕:少了很多Lady’s Night,平日下班的聯誼活動 → 所有聯誼活動及朋友圈都換晒媽媽及假日BB Gathering,你係咪都係咁?

5. 無假期、無私人空間:假日嘅時候,就係擔任全職媽媽嘅工作,BB愈大愈需要媽媽陪伴,若BB唔乖乖地瞓覺,媽媽就連剩餘嘅沒有私人空間/ 抖氣嘅時間都冇。

6. 同老公的對話總是:「爸爸/媽咪,唔該你睇住佢先」、「爸爸,幫我開支奶」、「爸爸,幫我拎XX」等,「老公」、「老婆」嘅稱呼亦漸漸地消失於空氣中…

7. 消費對象永遠以BB為先,Shopping地點永遠係童裝、玩具店等。餐廳都要升level,帶住BB為咗安頓到佢,魚蛋粉、粥舖真係唔洗諗,因為…怕她嘅小手、無BB櫈。

8. 輕便嘅行裝 →背著重重的背包外出,每次都好似遠行一樣…勁大個背囊…

9. 化個靚妝 → 可以簡單地搽上BB Cream出街,已經係好好啦! 

10. 連身裙,BYE BYE → 仲餵梗人奶嘅時候,因為需要方便外出埋身,所以…都冇再著了

11. 手機滿滿嘅自拍大頭照 → 全部變成BB的大頭照

12. Whatsapp嘅群組,由gossip group多咗很多唔同嘅BB Group,我估遲啲仲會有學校媽媽Group。

13. 八卦話題 → 變晒BB嘅趣事

14. 語言天份:  學多咗BB話

15. 與家人關係比以前更Close – 一直關係都融洽,有咗和牛B話題更加多,亦更加感受到家人嘅愛。

16. 愛聽/唱流行歌曲 → 唱兒歌,唱到喉嚨乾都會繼續唱。

17. 耐性提升:比以前更有耐性,去聽和牛B講每一句話。

18. EQ提升: 一向脾氣差,慢慢EQ提升咗

19. 從阿宅 → 鍾意四圍去:以前放假唔鍾意出去,寧願留喺屋企打機打一日。而家希望和牛B可以多啲見識,所以四圍去,發掘好多好玩好去處。

20. 家裡嘅改變:多咗很多色彩繽紛嘅牆貼、佈置及BB設備

21. 變得更有童真:要代入小朋友嘅角色,先會了解佢哋,同埋做到朋友。

22. 變得更有心思:小朋友嘅世界充滿色彩,所以好想俾好多驚喜佢,好想見到佢笑到好開心。

23. 變得更敏感:呢種敏感一定係嗅覺啦! 

24. 變得更醒瞓:因為會擔心BB踢被,所以每晚都會醒好幾次。

25. 變咗廚藝高手:為咗得到和牛B歡心,我更加會做好多好味嘅茶點俾佢食。

26. 作為母乳媽媽的我,身體上都有變化的。

27. 不喜歡麵包超人 → 超級喜歡!! 

28. 愛屋及烏 → 以前都唔鍾意Peppa Pig,但由唔知幾時開始和牛B好鍾意,之後就一齊好鍾意。

29. <秘> 鋼托的Bra → 換成了wireless Bra/ 母乳餵哺的Bra

30. <秘> 跟老公曳曳要睇老闆情況啦  

為了和牛B,無論改變咗幾多,我都一樣覺得無問題,係值得嘅!

文章獲「和牛B的成長日記」授權轉載。

撰文 : 和牛B的成長日記