抱怨爸媽為食新鮮Seafood用浴缸養魚蟹　連登巴打：真係頂唔順

為食新鮮海鮮可以去到幾盡！有連登巴打在連登討論區抱怨，其母為食新鮮魚，竟將家中浴缸當魚缸，直言已非首次，最高峰時一次養9條魚；有網民留言亦稱，其父亦用浴缸來養蟹。

該網民在連登討論區發帖，以「家母浴缸當魚缸 養左7條魚」為題，形容其母喜歡吃魚程度已達病態，

為咗食到最生猛嘅海鮮，佢將浴缸當魚缸，隨時想食就即劏即煮，真係唔慌唔『新鮮』。

▲ 巴打上傳媽媽在浴缸養魚。（相片來源：連登討論區）

樓主續稱，但家人想洗澡都要先進行大工程：「起身諗住沖個涼先番工，見到個浴缸咁」，又稱是次並非首次用浴缸養魚：

計埋都養過幾十條，最高峰一次買咗9條，真係頂唔順，唯有擺上嚟發洩下。

帖文一出引起網民熱議，有網民身同感受，貼出爸爸亦在浴缸養魚，有網民圖文並茂留言稱：

魚都算好啦，我老豆鍾意食蟹。

從圖片所見，一大堆螃蟹在浴缸中，明顯用浴缸來養蟹；另有網民分享家人用浴缸來養小鴨。

▲ 有網民分享其父用浴缸養蟹。（相片來源：連登討論區）

有網民替樓主感到可憐：「咁你點樣沖涼、諗起浸魚腥味充斥住係個廁所到。」有網民建議：「行落街市一日買一條咪仲新鮮」。

另有網民擔心會引起衞生問題，樓主回覆稱：「就算清晒啲魚，我企入去之前都用熱水加滴露清潔一輪！」