新年親戚小孩殺到記得鎖房門 玩具迷如臨大敵:唔好搞我啲模型!

親子 12:21 2019/02/04

分享:

有玩具迷呼籲,過年時,重要的物品要「收埋鎖起佢」。

新年時家家戶戶都會到處拜年,但當有小朋友到訪時,就要特別要提防「熊孩子」,保護好自己心愛的「財產」!有網民就在「生仔要考牌系列」專頁上投稿指自己拜年時,遇到親戚的6歲小朋友破壞了滿櫃的玩具,十分憤怒。

該網民指自己事前已與6歲的小朋友約法三章,指書櫃裏有十分重要的「公仔」,不希望會遺失和被弄壞,所以如果要玩玩具,就玩已經準備好、擺放出來的玩具。而小朋友的媽媽當時亦在場見證勾手指尾。

不過,事主後來要落街幫忙買飲品,結果一離開就出事了。只見一個6歲小朋友理應無法觸碰的高櫃,內裏的模型全部消失:

擺喺櫃裏面嘅模型全部拎晒出嚟係地下爛晒,頭都甩埋,個迪士尼公主puzzle唔見咗幾塊,總之全部都要報廢。

當刻事主已經十分憤怒,並問他:

你唔係應承咗我㗎咩,點解嘅?而家你違反信任。

這時,小朋友的媽媽就走過來解釋,他只是想看看,所以便拿出來給他看。但全程沒有道歉,就像沒事發生過一樣。

事主指自己其實沒有嬲那位6歲的小朋友,因為小朋友無自控能力,問題是出自他的媽媽身上。因為小朋友的一句「想玩」,大人就違反承諾,只為滿足兒子的慾望,是自私的行為。

咁樣寵小朋友係教個小朋友講大話違反誠信,灌輸一啲錯誤嘅價值觀俾佢。

事主最後忠告,過年時,重要的物品真的要「收埋鎖起佢。」

過往每逢新年過後,不少玩具迷網民都分享自己的慘痛經歷,心愛的玩具被蹂躪,模型的殘肢跌至一地,現場猶如命案現場一樣。事主離開家中到樓下買汽水,短短15分鐘回家,房中心愛的高達已被小朋友擲碎。小朋友不單止沒道歉,還對事主說「哥哥嘅模型咁易爛」,其父母亦未有好好教導小孩,還輕描淡寫地說「細路仔係咁」,令他怒火中燒。

不少網民見到網民分享經歷後都感同身受,表示「搞模型者死呀!」、「賠錢都賠唔到心血,仲有好多絕版模型,有錢都賠唔返!」,更指事主應該馬上同小朋友「開年」,並要求小朋友的媽媽賠償所有金錢。有網民教路,可以每年先收起最貴重的幾件模型,然後放1、2個「失敗之作」做掩護,專用來應付小朋友,就算玩爛也不心痛。