姐姐病逝打工仔陷抑鬱低潮 感謝好老闆提早過試用期

職場 16:38 2019/02/07

分享:

姐姐急病離世,自己患上嚴重抑鬱症長期住院,幸得好老闆體恤提早通過試用期。

好老闆,可遇不可求!有上班族分享自己有一位「絕世好老闆」,指姐姐急病離世,自己亦因而患上嚴重抑鬱症長期住院,幸得好老闆體恤提早通過試用期,解決金錢重擔外,老闆還窩心傳訊短打氣,助該名上班族走過人生最黑暗日子。

有網民投稿至職場fb專頁「奴工處」,指自己剛轉新工便遇姐姐急病離世,因與姐姐非常親近,自己亦患上嚴重抑鬱症晚晚失眠,最終更導致長期住院,造成沉重的金錢負擔。幸好上班族遇上好老闆,提早通過試用期,讓該名上班族可以提早享有公司的醫療保險,並可取用有薪假,解決金錢上的負擔。

而且該名好老闆更窩心地打氣稱:

有乜嘢幫手都可以出聲,唔好咁擔心

終於該名上班族在4個月後走出人生低谷,毋須再看心理醫生。最後該名上班族感激遇上如此好的老闆:

我好想多謝我上司,呢段時間嘅照顧同關心,令我可以更快走過人生最黑暗嘅日子。

不少網民都大讚該名好老闆,更稱讚他是「最有人情味上司」,帖文上載至今約2天已獲得近千個讚好。

以下為上班族投稿的全文:

上年轉咗新公司跟返我前上司,返新工無耐最親嘅家姐急病離世,最後我患咗嚴重抑鬱症。因為晚晚失眠同食太多安眠藥,最後要住院。由於我要睇心理醫生同埋要一直住院,嗰筆錢令屋企造成好大負擔。

上司知道我情況唔好,同我講有乜嘢幫手都可以出聲,唔好咁擔心。佢仲幫我同HR傾,提早過我試用期,畀我可以快啲用到公司醫保同攞到有薪假,仲會間唔中Send 短訊關心我同為我打氣。

用咗四個幾月時間我終於好返,唔使再睇醫生。我好想多謝我上司,呢段時間嘅照顧同關心,令我可以更快走過人生最黑暗嘅日子。