好心的士司機遇短途婆婆乘客 細心停泊安全位置獲婆婆贈3倍車資

休閒消費 16:48 2019/02/13

分享:

分享:

好心司機遇到主動付3倍車資的婆婆乘客。

好心有好報!日前一名的士司機接載搭短途的婆婆乘客時,過程中的士司機非常細心,不但沒嫌棄對方是短途客車資不多,還主動停泊安全位置讓婆婆慢慢下車。下車時,的士司機更有意外驚喜,婆婆竟然主動付出3倍車資!

一名的士司機昨日(12日)在facebook群組「的士司機資訊網 Taxi」上載一段自己接載一名婆婆乘客的車Cam影片。根據的士司機文字描述指,自己在東涌的士站排隊了15分鐘才等到一名乘客,但只是一名住在附近的短途客。

不過的士司機完全沒有抱怨,反而小心奕奕地接載婆婆。該名年長女乘客上車後,司機便請她「慢慢嚟」。到達目的地後,將的士駛到行人路邊,方便婆婆上落。此時,婆婆讚美司機哥哥:「你咁好心嘅,轉埋彎畀我行。」

事情最驚喜的,是停車的一瞬間,咪錶剛好跳了一下,車資是$26.5,司機叫婆婆付$25就足夠。最後婆婆竟然付出$80。的士司機最後耐心地等待婆婆下車,更叮囑她:「慢慢行唔好急,你落咗車我先閂門。」

的士司機於帖文指,希望透過自己經歷呼籲同業改善工作態度:

有時對個客好啲,人哋坐車坐得開心,意外驚喜就係咁樣嚟。

而我就係真心嘅,尤其是對老人家同行動不便嘅客。

排站上到短途客就西口西面,又chok又fing又畀說話人聽嘅師兄自己睇睇,自己諗諗啦。

而網民亦激讚司機的行為,表示:「優質的服務,高質的回報,長做長有」、「這才是的士同業的好傍樣」、「好態度未必次次有回報,但唔好態度一定唔會有好報!如果全部司機都好似你咁樣,唔會有人搭uber!」。