古天樂獲頒攝影師眼中最具魅力男演員　古仔：平時少照鏡不覺自己靚仔

古天樂（古仔）早前出席「香港專業電影攝影學會31周年晚宴及頒獎禮」，他與Angelababy（楊穎）獲選「攝影師眼中最具魅力男、女演員」，但古仔笑言照鏡時不覺得自己靚仔：「其實我麻麻地鍾意照鏡。」

除了古天樂與Angelababy獲獎外，電影《無雙》攝影師關智耀則被選為「年度大獎」得主。問古仔覺得自己何時最有魅力？

他說：「應該係留喺屋企間房嗰陣，因為無人見到，我講乜都得。」問他照鏡時可會覺得自己靚仔？他笑說：「我麻麻地鍾意照鏡，屋企都唔多鏡，因為拍戲成日睇playback都見到自己個樣。如果照鏡嗰陣覺得自己好靚仔，咁我應該有少少精神病，要去睇醫生食藥，我講緊我自己咋！」

▲ 古天樂和angelababy同獲攝影師眼中最具魅力男女演員。（取自微博）

古仔表示演員之所以有魅力，全因整個劇組合作而成：「攝影師係好重要嘅崗位，仲有美學、打燈、角度。」

問古仔與Baby可有偶像包袱？古仔幽默表示︰「無包袱，我只得行李。」

身旁的Baby坦言︰「我有少少，孭住佢。」Baby透露，自從當上媽媽後愛上攝影，經常為兒子小海綿拍照：「有咗小朋友之後，多咗影相同拍片，我都想做攝影師。」

【全文刊於《晴報》】