港媽餐廳大聲播卡通片拒收細音量 霸氣大叔:咁大聲你撞聾?

親子 12:42 2019/02/16

分享:

港媽在餐廳大聲播卡通片,被霸氣大叔一句KO。

為防止子女在公眾場合吵鬧,不少父母都習慣將手機或平板電腦當作「電子奶嘴」,播放卡通片來安撫子女情緒。有網民分享在餐廳遇上自私的媽媽,大聲播放卡通片,即使有人好心勸籲叫她將音量收細,她仍然以「有阻到你嗎?」、「我係鍾意咁大聲呀」等理由拒絕,直至一名大叔爆粗大鬧,該媽媽立即調低聲量!

網民在Facebook專頁「生仔要考牌系列」發文,指日前在餐廳吃飯時,一位媽媽帶同1歲大的BB大聲地播放卡通片。據樓主形容,卡通片的聲音不停「嘟嘟嘟嘟,啦啦啦啦」,傳遍附近5張桌子,就連侍應行過都皺眉,有耳筒的人都戴上隔一隔音。

樓主好心提醒該名港媽將音量收細,怎料她不但將音量提高,更反斥樓主。以下為帖文節錄:

我好平心靜氣細細聲同佢講:「你湊住小朋友,呢度大家食飯,可唔可以有返啲公德心,真係太大聲。」

個女人:「你做咩話我小朋友啫?有阻到你嗎?」

我:「我唔係話你小朋友,我係話緊你播片太大聲,請你較細聲少少。」

個女人喺度怒吼:「侍應,我唔要坐呢度,啲人都痴線㗎,我播片關你咩事?我係鍾意咁大聲呀。」

我:「咁最好你轉位啦,個個都睥緊你呀~你自己望下。」

個女人見好多人望住佢,就話:「你哋呀,個個都無仔生㗎,小朋友要睇就要睇㗎啦,你班人望咩望,我係要較咁大聲呀,侍應我要轉位坐。」

侍應隨後安排該媽媽調位,樓主終於耳根清靜,但她調位後繼續「勁大聲播片」,此舉更觸怒了附近的一位大叔。大叔忍無可忍,終以粗口「問候」她:「你咁大聲做乜呀?你撞聾定搏_呀?」被大叔鬧完後,那位媽媽終於肯將卡通片音量較細,而侍應就在他們背後偷笑。有網民開玩笑指:「今次真係誰大誰惡誰正確」、「潑婦原來都怕爛佬」。