90後IG網紅出嫁要求朋友勿少付人情必須寫名 準新娘:今次酒店Lunch Buffet好貴

社會 18:19 2019/02/18

分享:

一位即將出嫁的90後IG網紅Foodie發出短訊,提醒獲邀出席其Lunch Buffet婚宴的朋友勿少付人情。

婚宴人情公價幾多?Lunch Buffet又點計?近日WhatsApp流傳一則短訊,疑是一位即將出嫁的90後IG網紅Foodie發出,提醒獲邀出席其Lunch Buffet婚宴的朋友勿少付人情,而且指明收現金人情而非禮物或現金券,又強調今次Lunch Buffet很貴,別以為Lunch Buffet就比較平,最後寫明:「人情既利是封係要寫低你個名的!」

這位準新娘的「溫馨提示」在WhatsApp流出,引起議論紛紛,有人指:

我係佢朋友的話,就唔會去啦... ...無禮貌朋友,應該斷交!

據了解,涉事90後準新娘本身是IG網紅Foodie,並有份經營一間Cafe,標榜為影相打咭熱點。

準新娘向獲邀出席婚宴朋友發出的短訊全文如下:

咁講會有啲尷尬,希望你吾(唔)好介意呀
同埋我叫左(咗)好少人,所有人加埋係9-10圍,所以叫得都是我喜歡的
就係咁既(嘅),因為聽到有人以為可以吾(唔)洗比人情,淨係比結婚禮物就得
但以我所知及問過人,去飲係一定比人情(亦都有結左(咗)婚既(嘅)人講番收過吾(唔)係錢,而係Coupon) 
為免發生呢啲事件,我溫馨提示大家
另外今次既(嘅)愉景灣酒店buffet係好貴的
人頭算的(因為有朋友話以為係lunch buffet就平好多)
希望大家明白結婚已經要用好多錢,冇理由要我地每位倒貼幾百蚊架嘛
同埋人情既利是封係要寫低你個名的

據知,有準新娘的朋友收到有關訊息後也感不悅,引起轉發和討論,有人認為:

有無搞錯,咁都講得出口,以後都係遠離這人,好像為了賺錢咁!

由於準新娘強調婚宴Lunch Buffet很貴,有人好奇下網上查閱愉景灣酒店Lunch Buffet的價格,

好似是10萬元包120人,平均每人833元,所以她說好貴,可能驚人封少過800元,因800元都圍唔到本。

擔任婚姻顧問26年的歐惠芳表示,親友「俾人情」只是「潛規則」,並沒有明文規定,亦非必然的事情,更沒有規定金額。

她指出,新人舉辦婚禮是雙方的決定,故二人必須承擔婚禮的費用,而非「算計」親友的「人情」,用來舉辦自己想要的婚禮,更甚向他們發出「溫馨提示」,行徑令人反感,更讓親友覺得新人辦婚禮有如「AA制」夾錢聚餐,讓他們出現「貼錢買難受」的感覺,婚禮完結後,新人或失去親戚及朋友,更可能會在網上「被唱」。

歐又指,人情並不一定是「現金」,有些親戚會以金器相贈,或比現金更貴及有紀念價值,以現金衡量友誼及關係,更非恰當的做法。

歐惠芳續稱,市面上並沒有明碼實價的「人情公價表」,封人情要視乎擺酒地點、親友關係等因素。不過,現今已很少人「單頭」出席婚宴比600元人情,但因700元不吉利,故最少會封800元;若新人在頂級的酒店宴客,人情價可高達每人2000元。至於親人之間亦會有一個參考價,即以往「封人情」的數目。

歐又分享,以往曾出現很多任意派帖的新人,他們的行徑被稱為「打秋風」,任意向身邊的親友甚至同事,估計他們不會出席,用以賺取人情。她表示,現時大多新人都會先詢問親友,確定出席才會派帖。