連登仔盤點最痴線上司 巴打放假上司100句「應機啊」炸爆WhatsApp

職場 12:45 2019/02/18

分享:

連登巴打指放假期間被上司發出逾100個「應機啊」炸WhatsApp,要求他馬上回覆,令該巴打十分困擾。

近日有連登巴打於連登討論區吐苦水,指放假期間也收到上司的責罵WhatsApp,被警告小心年頭衰到年尾之餘,又發出逾100個「應機啊」的訊息,要求他馬上回覆,令該巴打感到煩擾和精神壓力大。不少巴打都不滿這上司所為,支持樓主辭職。同時有巴打分享自己的類似經歷,數算職場上曾遇過的「痴線上司」。

該連登巴打在連登討論區發帖,以「[無圖]到底最X痴線既上司可以去到咩地步???」為題,形容其女上司在放假時召喚他已達到瘋狂狀態。

新手返retail返到似看護, 放假都要lur住唔重要既野覆都算, 仲要係咁炸whatsapp...

女上司瘋狂在WhatsApp召喚樓主,令樓主感大壓力。(圖片出源:連登討論區)

他續稱,他早前已在這個4人的WhatsApp工作群組回覆了上司,但她仍然窮追不捨地尋人。該名巴打描述指,這位女上司雖然並非坊間所指的「恐怖單身老女人上司」,但可惡度也不相伯仲。她曾因客戶阻礙她在新年期間接丈夫而憎恨該客戶,並要求樓主和其他同事一起罵他,令樓主和他的同事相當反感。

我同事反問:點解我要鬧佢?

其他巴打看不過眼,紛紛獻計,希望助樓主早日脫離險境,

熄左個WhatsApp就得,哩D工唔荒做得長。

幾時返新工?有呢啲上司可以搵定工。

好在未過試用期,拿拿臨走啦!過左試用期到時係通知期玩你咪大獲?唔覆佢都咁癲,你諗下你唔撈佢會點?

亦有巴打回想起從前不愉快的工作經歷,分別怕了接收電話訊息及被要求年三十晚覆電郵,

Quit la,遲早你精神壓力爆煲。我都試過,以前電話震都會心跳加速驚一驚 ,幾年後電話都仲係較無聲無震。

年三十晚收工之後仲WhatsApp 追你覆email(個日要返工但收早,上司已經放緊大假)。

樓主本身不敢辭職,因為擔心沒有足夠的社會經驗找下一份工作。可是,當他得到各位熱心巴打的鼓勵後,便拿起辭職的信心,並趁著未過試用期,馬上了解員工合約,為感興趣的鐘錶珠寶工作做好準備。