男侍應淚的控訴 港媽餐廳教小朋友玩爛牙籤 網民:無家教

親子 17:57 2019/02/27

分享:

世上有太多父母生仔「識生唔識教」!昨日(26日)有一名西餐廳男侍應在facebook專頁《生仔要考牌系列》作出控訴,有2名港媽在餐廳內教小朋友數牙籤,玩到一枱牙籤之餘,還在牙籤紙袋上寫數字,忍不住向港媽作出勸喻,竟然惹起港媽不滿,離開前更叫小朋友折斷所有牙籤!

該名侍應指出,2名港媽日前帶著2個小朋友到餐廳食下午茶,落單時已受到港媽不禮貌對待,小朋友亦非常嘈吵。

我已經畀2個小朋友嘅噪音,嘈到聽唔到個家長講嘢,叫小朋友細聲啲,其中一個阿媽即刻睥住我。

在等候上菜期間,港媽向小朋友上「另類數學課」,利用餐桌上的包裝牙籤教數學,該名侍應已心想︰「可唔可以用啲正常嘅工具教數學呀?」

小朋友在牙籤包裝紙上寫數字, 更玩到破爛。(相片來源︰fb群組《生仔要考牌系列》)

後來見他們愈玩愈多,更捏皺牙籤的包裝紙,並在包裝紙上寫數字。侍應忍不住提醒他們,不要玩爛這堆牙籤,小朋友立即回答︰「我都無整爛!」

侍應苦無辦法下,收走了一堆用過的牙籤後繼續其他工作,但聽到港媽不服,竟然教小朋友報復!

叔叔話你哋整爛哂(晒)啲牙籤咪整爛比(俾)叔叔睇囉!

小朋友「好聽話」,離開前將其餘未用過的牙籤全部折斷,令侍應感到非常憤怒,「我覺得未考到牌就生仔果(嗰)啲應該判做非法懷孕。」

網民紛紛留言怒斥港媽的行為「無家教」,根本就不應學人生仔,「連做人都未考到牌。」

有網民提議侍應下次應立即請示上級,再向港媽收取每支牙籤10元,又或者報警。