不滿住大埔同事加班時間少 一則投稿激嬲大埔人:塞車要3小時

職場 18:09 2019/02/27

分享:

有網民投訴住同事懶,不願加班,不明大埔往返港島上班有多遠。

大埔離港島不遠?不加班就代表懶?有市民投稿facebook專頁「奴工處」,表示公司在銅鑼灣,自己住寶琳也每天加班,住大埔的同事卻說住得遠,加班不久就要走。投稿者稱大埔位處港鐵沿線,質疑對方懶,根本無心工作。帖文一出,隨即惹怒不少住大埔的網民,有人嘲諷投稿者「個個大埔人住火車站咩?」,也有人稱吐露港經常塞車,試過由大埔往上環上班,需時3小時15分鐘。

該名市民以「住大埔返港島好遠咩?」為題投稿,指責同事:

同個懶同事拍檔真係慘過死
我日日OT做到隻狗咁
佢就O一陣就走
話自己住大埔遠
我睇過車程51分鐘
我住寶琳村都去到最篤先有得落車
根本佢係唔想做嘢想收工

有很多住大埔及新界其他地區的網民紛紛留言,有人嘲諷說「個個大埔人住火車站咩?」

第一,寶琳會好似吐露港塞車咩
第二,睇返個地鐵站圖都知大埔遠幾多啦下話 
第三,佢一定唔知金鐘,旺角/太子,同埋九龍塘係收工時間到底有幾多人,
四班車都逼唔到上去⋯係喎,人地係油塘轉車咖嘛

即使搭港鐵,也有人指往返大埔和銅鑼灣,要在多個轉車站多等幾班車:「九龍塘迫一迫,旺角又迫一迫,金鐘再迫一迫,強人先忍受到咁辛苦。Peak hours 仲要隨時等兩三架車先上到,想舒服d,就要花d時間。搭過海巴士去紅磡轉東鐵坐返去畢竟7個站(紅磡去大埔墟)都幾辛苦。仲要做完一日野,好疲累,51分鐘代價好高的。」

有人直言「大埔好大架」,直斥「講得出嘅一定未入過大埔」,有人甚至索性建議投稿者自己搭去大埔計算車程。也有人不厭其煩地解釋大埔有多大,車程可以有多長:

住運頭塘又係住大埔,住汀角又係住大埔。
前者喺大埔墟站行到去,後者要坐多8公里路程巴士/小巴先到。
而住運頭塘同住汀角嘅人都會話自己住大埔,變相兩者都被認為係「鐵路沿線居民,返屋企有幾遠啫」。

同時有人表示港鐵寶琳站附近有很多屋苑,反問投稿者「大埔墟站附近屋苑又有幾多?有幾多大埔墟站落車嘅人係唔使再轉車?」,他再質問「你睇下大埔墟站點解咁多鐵路接駁巴士、屋苑村巴、咁多小巴同巴士,連的士站都排長龍」,稱「寶琳?落車行10分鐘到啦。一齊收工你返到寶琳,大埔友可能仲係金鐘等緊第N班車未逼到上車。」

有網民「突破盲腸」,指出居住地區與加班並無必然關係:「根本唔係討論地區,係討論要選擇做人定選擇做狗既分別,唔通同你講『我有正常既生活要放工咩』」。

不少人也不齒投稿者的言論,稱「準時收工都要俾人鬧?準時收工應該係同事嘅自由,其實樓主自己都得㗎,做咩要做壞規矩啫?」也有人表示,「OT唔一定代表你勤力,可能只係你能力低。準時收工有乜錯?開工唔做嘢先係懶囉!」同時,有人指出「ot得兩個可能:1.根本兩個人野一個人做,如果長期係咁唔做都罷 2.你工作能力有問題,正常辦公時間都做唔晒」。