馬鞍山幼稚園學生被神秘女放銅錢 神秘女子再向培訓中心放奇怪銅錢

社會 16:49 2019/03/03

分享:

有市民再發現陌生女子在培訓中心放下4枚銅錢。

馬鞍山早前發生幼稚園學生疑被神秘女子跟蹤,並在身上發現銅錢事件,引起一眾家長恐慌。今日(3月3日)再有市民發現疑為同一名女子,在一間培訓中心再放下4枚銅錢,嚇煞一眾職員,更擔心該名女子的行為會否影響他人。有風水師指,古銅錢會積眾陽氣或陰氣,可令接觸銅錢的人「運氣」轉好或轉差。

日前有港媽在fb群組「馬鞍山之友 」fb群組發帖,指她與就讀幼稚園的兒子被一名陌生女子跟蹤,事後港媽更於自己的袋及兒子的校服內各發現一個神秘銅錢。

今日另一名在培訓中心上班的男子再在網上發帖,指疑似同一名陌生女子在其公司放下4枚銅錢,離開時又在電梯內放下1枚銅錢,行為非常古怪,不知她的目的。

網友Hubert Lung在fb群組「馬鞍山之友 MOSers (Since 2014)」發帖,指今早(3月3日)約11時20分,一名與早前港媽遇到、有90%相似的陌生女子,到訪位於九龍區的培訓中心,「鬼鬼祟崇」在中心放下4枚銅錢,又在大廈電梯地下放下一枚銅錢,行為非常古怪,亦令他一眾同事感非常驚訝,又指神秘女已殺出馬鞍山,並已「進軍」九龍區。Hubert向TOPick詳細描述當時的情況,並以「心寒」來形容陌生女子的行為:

事源係...
我甘岩(咁啱)要去另一個樓層處理啲野(嘢)
我本身係到等緊lift
轉個頭lift到有個女人出黎(嚟)
我都無為意咩人
咪當正常客人甘(咁)
之後我處(理)完啲野就番落reception放番低啲野(嘢)
之後就執下啲文件
執執下野(嘢)就發現有果啲銅錢好整齊甘(咁)放左係(咗喺)到!
我即刻問同事知唔知咩人放低
大家異口同聲都一至(致)話無留意
亦都唔知有哩樣野係(嘢喺)到
之後我有一個同事A就話
我岩岩上去處理野果陣(嘢嗰)有個女人黎(嚟)過
行為都較平常見到嘅客人有異樣
因為正常啲客黎(嚟)到
我地都會問聲有咩幫到你
而哩個女人係(喺)我地(哋)問完之後就無視左(咗)我地(哋)
跟手就行左(咗)去我地(哋)放文件位置(即發銅錢果個位)
當時我一眼見到就覺得啲銅錢好熟口熟面
即刻睇番琴日馬友個post
對比番係一模一樣
之後我就去睇番CCTV
睇番個人可疑女人係咩樣
再同馬友個post果個女人做對比
一睇之下有90%係同一個人!
之後我就report番比我經理知

風水師區仲德表示,在風水業界中認為,古時的銅錢可積眾陽氣或陰氣,並透過人體接觸,吸取被「陽氣」,增強自身的運氣;相反若銅錢本身是充滿陰氣,亦會令接觸的人「運氣」轉差,如健康受損等。

區師傅又指,五帝錢指清朝順治、康熙、雍正、乾隆、嘉慶五個皇帝的銅錢,本有擋煞、防小人、避邪,旺財之功用。不過,現今的五帝錢不知藏有的是陽氣或陰氣,故一般人不宜隨意接觸,陌生人放在身上的銅錢,更未能確定屬眾「陽氣」或「陰氣」,不宜有身體接觸,最好是由廟宇內的高僧加持後才使用。

警方回覆TOPick時指,馬鞍山分區警署近日沒有接獲家長報案指被跟蹤。消息指,在3月2日曾有多名馬鞍山居民報案,指有關女子在區內出現非常古怪的行為,警方曾到場了解,惟因她並沒有涉及刑事行為,故沒有拘捕她。另外,有街坊亦指該名女子為馬鞍山居民,過去亦曾出現不正常的行為,如摸其他人的袋等。