帶年邁母親到診所睇醫生 逆子當眾喝斥:你唔好死喺屋企間屋仲要賣

親子 14:35 2019/03/11

分享:

逆子帶年邁母睇醫生,當眾喝母不要死在家影響樓價。

百行以孝為先,但診所助護「珍寶豬」日前在其facebook專頁「診所低能奇觀」發貼,稱一名男子帶年邁媽媽到診所看病,並希望能盡早取得報告,其間該名逆子大聲喝斥母親,「你死還死呀!唔好死喺屋企呀!」、「間屋仲要賣㗎!你死都死出去啦!」

珍寶豬在貼文中稱,一名男子帶上篤住拐杖的媽媽到診所看病及照肺,在登記時因要身份證登記,由於婆婆年邁,手腳沒那麼靈活,在找身份證時,該名兒子顯得不耐煩,「搵張身分證都咁耐,你阻住人呀!」

當珍寶豬開始替婆婆登記時,該名男子又追問何時可取得媽媽的報告,當獲悉需3、4日時,又再次不耐煩,婆婆不滿兒子言行,終開聲,「你急咩呀?我都就死㗎啦!等幾日你都等唔到啊?」

豈料該名兒子竟稱,

你死還死呀!唔好死喺屋企呀!你過到去先好死呀!

當婆婆稱,「你就咁我驚死喺屋企呀?」,該名兒子理直氣壯稱,

間屋仲要賣㗎!你死都死出去啦!

婆婆抿抿嘴曾反駁:「你老豆走嗰時你話會照顧我,(間屋)佢先肯寫你名呀!」

該名兒子就回應:「我而家冇照顧你呀?我有俾飯你食有俾衫你著呀!我係叫你唔好死喺屋企,死出去啫!你死喺度個價會冧㗎!定係你要我賣埋個老婆去補你死喺屋企條數呀?幾廿歲人用吓個腦啦!」

最後這位婆婆不再作聲了。貼文一出引起網民熱議,大批網民直斥該名男子不孝,「不怕有報應?」、「真係小心俾雷砍」、「等天收!涼薄到我唔識形容」「生舊叉燒好過」;有網民慨嘆,「好恐怖,點解會有啲甘無良心嘅人」;另有網民稱,家家有本難念的經。