港媽遊芭堤雅網上問4歲子可否玩浮潛 網民鬧爆︰搵個仔條命較飛

親子 12:26 2019/03/12

分享:

有港媽上網問4歲仔可否玩浮潛,惹來大批網民炮轟無腦。

父母想帶小朋友去旅行,最重要是注意安全!有港媽計劃一家三口去泰國芭堤雅旅行,兒子年僅4歲,港媽想帶兒子一齊玩浮潛,昨日(11日)在facebook群組《泰旅谷真好玩》出帖文查詢「4歲小朋友可唔可以玩浮潛? 」不過帖文一出,網民幾乎一面鬧爆港媽不顧孩子安危!

港媽首先有禮貌地查詢,並問及浮潛裝備是否自己帶最好,求有經驗者解答,但網民立即批評她的兒子年紀太細,根本不適合玩浮潛,直斥「搵個仔條命較飛」!

有網民替港媽的兒子可憐,「有呢啲老豆老母真係危險」,更認為港媽應懂得衡量仔女能力,網上陌生人不知道其兒子情況,不敢亂答。有人更將帖文轉載到facebook專頁「生仔要考牌系列」繼續炮轟。

萬一答你話小朋友四歲可以玩浮潛,而又不幸地發生意外,你會打算搵回答你果個人晦氣?

港媽的丈夫疑為妻子出頭,與網民掀起罵戰,叫網民慎言︰

你係唔知定唔識答,無答案就唔好答!Facebook回覆都要考牌!

這激起更多網民怒火,警告他們有事不要扮可憐找人接返香港,「咁你係唔知定唔識教,唔識教就唔好生啦!」

有過來人平心靜氣討論指,在沖繩和馬爾代夫有很多親子浮潛活動,只要父母願意承擔責任,看緊小朋友,低至3歲也可以浮潛。不過,泰國芭堤雅的安全性成疑,叫港媽三思。

其實多個旅遊網站及外國浮潛活動網站查詢,大多建議6歲起才適合浮潛,包括沖繩浮潛店Natural Blue。有馬爾代夫浮潛活動更列明最低年齡12歲,只限懂游泳人士。