連登盤點「屋企人講過最難聽的說話」：你真係垃圾都不如

父母的說話，對子女影響深遠。辱罵的話出自至親的口，聽者不僅痛心，內心更有可能留下難以磨滅的傷口。有連登網民開帖發問「你父母或家人跟你講過最難聽的說話是甚麼」，引來不少網民回應，大部分與學業成績及成就有關，另有以攻擊性言語辱罵子女的。

1. 學業及成就

• 人地住公屋一樣讀到醫科
• 你讀屎片架？
• 睇你都係無乜岀色㗎啦，快啲搵人嫁咗佢算啦
• 你根本就無用，因為你咩都做唔到
• 愈大愈無用
• 你實讀唔成書要做麥當勞
• 知唔知點解人地會請你呀？唔係因為你叻呀，因為無人去見工咋

有網民分享，當他為一件事堅持的時候 ，母親一句「你唔係依樣嘅料」，令他即時「心都淡曬，心都酸曬」， 感到沒有人支持。

2. 攻擊性言語

• 你係咪真係咁鬼蠢，白痴黎架你
• 你真係垃圾都不如
• 廢柴、你以後既生活唔會比而家好
• 唔死都冇用
• 人地做狗都識吠兩聲，你？
• 你狗嚟架咋
• 你喺我下面個窿度出嚟就一世喺我下面
• 你喺我眼中只係一粒受精卵咋
• 咁想要男人大個去做雞啦
• 著短裙出街去wet/扭扭下，出去做雞呀？

部分父母更人身攻擊，言語間侮辱子女。

3. 外貌

• 其實你有諗過整容？ 執返好樣少少好唔好？
• 抵你成面暗瘡
• 你睇下你生濕疹成隻怪物咁

有網民表示，母親指她有濕疹是「生性病」，後來更趕走她。

4. 晦氣說話

• 生舊叉燒好過生你
• 當初唔應該生你岀嚟
• 好後悔生左你出嚟
• 其實你係個意外，本身想送你畀人
• 點解我要落咗你家姐生左你出嚟，一生你出嚟你老豆就冇哂生意 ，陀衰家！

有網民表示，自己在單親家庭長大，住劏房，需要社工跟進時，至親曾說：「送你入孤兒院」。有人感同身受，表示「成日威脅唔要我，我到依家嚴重缺乏安全感」。

5. 其他

• 生你出嚟畀錢養你，你就一定要聽我講嘢，大個一定要畀家用
• 而家搵到錢大曬呀
• 我憑咩供你讀大學啊？你咁大個人有手有腳自己去賺啦！

另有人指出，父母常拿兄弟姊妹與自己比較，經常說出傷害人的話。也有人表示家人「唔講嘢先最慘」，也有人指說話最難聽的不是父母，而是親戚和「三姑六婆」。

香港兒童心理健康中心的Dr. Louis Kok表示，傷害孩子自尊心的說話，孩子可以記上一輩子。他們表面上他們可以若無其事，但事實上，他們的自我價值已蒙上了一層陰影，再也不容易洗掉。同時，當父母把自己的不順心不負責任地歸咎小朋友，會令他們成大時很易覺得自己拖累他人，可能追求完美（甚至有強迫症)，卻處處覺得自己做得不好，感到相當自責。