女上司嫌女同事是非多 指明只請小鮮肉:唔做得都睇得

職場 10:37 2019/03/15

分享:

女上司請人時竟指明要「小鮮肉」,認為請個靚仔「唔做得都睇得」!

正常人都喜歡看靚仔、靚女,但如果請人時以外表為最重要的考慮因素,就未必人人能夠接受!Facebook專頁「辦公室日報x聶瞳」寫到一名女上司請人時,指明「我要小鮮肉」,認為請個靚仔「唔做得都睇得」,引來不少網民迴響!

嫌女同事是非多 

辦公室日報x聶瞳」的版主聶瞳日前提到,公司另一個部門的女上司突然問他有沒有人介紹,於是他找來幾個曾做過獵頭公司的人給她,想不到她竟然不滿意,未幾已經致電給他問有沒有更好的人選,原因更是令人意想不到。以下為原文節錄:

話咁快佢就打內線畀我:「麻麻地咋喎,有冇其他?」

我:「點樣麻麻地呀?有個HR底,有個Sales底,有個仲係competitor公司,乜嘢元素都齊喎,你見咗先啦!」

「直情見到啦,個個都有相,全部30幾歲,又唔靚仔,另外唔要女人呀,多是非,我要小鮮肉。

你冇嘢呀?女人多是非?你自己咪女人囉!仲有你都三張幾接近四張,又要咩小鮮肉呀?雖然我知你未婚,但唔會天真到認為請個小鮮肉返嚟可以發展啩?

當然……我唔方便咁樣同佢講嘢,只係反問咗一句:「你認真?」

「梗係認真啦!請個靚仔返嚟唔做得都睇得吖嘛!

版主叫該名女上司自己出稿請人,但她覺得出稿所收回來的CV未必有相,直言「一陣上嚟先見到唔靚仔就嘥時間」。版主終於明白為何該部門經常換人,而每次都要很多時間才請到新的人。

版主最後提醒網民工作時不要「外貌協會會長」上身,認為大家都是為柴米油鹽終日奔波的一群。又指請人不應取決於樣貌與年紀,而是要找適合該職位的人,最後語重深長地說了一句:「好睇冇用,返工嘅日子可以好過先有用」。

網民:練緊採陽補陰大法?

此帖引來網民熱烈討論,有人笑稱「佢係咪練緊採陽補陰大法?」、「當聽錯佢話要小豬肉, 求其比條肥仔佢算啦」,又留言「叫返請人果個有返咁上下先講野啦」,版主回應「通常有呢啲要求嘅人,其實個外表都係好唔掂」。

亦有人認為此舉已經涉及職場歧視,「男上司咁講分分鐘比人me too」,聶瞳指職場上不乏這樣的情況。

獲「辦公室日報x聶瞳」批准轉載,全文請【按此