文憑試DSE考生記錯中文口試時間　遇暖男的士司機加速走捷徑安慰「鎮定啲」

考DSE最怕記錯考試時間！一名應屆DSE考生記錯考DSE中文口試時間，幾乎遲到，於是搭的士飛奔考場。幸好該名考生遇上暖的士司機，不但加快車速、揀選一條最快的路，還安慰考生「鎮定啲」，最後成功趕及在考試開始前到達，更少收了車資，令考生大叫「真係好warm」！

昨日（14日）一名DSE考生記錯考中文口語的時間，原本以為6點才開考，怎料原來記錯時間，正確的考試時間是5點。於是DSE考生即時衝去搭的士。上車後，考生非常不安，心急至想喊，於是情急下跟司機說：「可唔可以快啲」，於是好心的士司機即時加快車速，並即時搜尋一條最快的路。

的士司機見考生心急如焚，於是主動與考生聊天放鬆心情，不但叫考生「鎮定啲」，更說「真喺要快啲囉，希望前面少啲燈」。考生稱，這句話看似平平無奇，但卻令考生平伏了心情。在下車前考生預先付了$50車資打算縮短時間盡快趕往試場，但下車時車資已超出預算，司機好心說：

唔洗俾啦少少錢

最後考生成功在5時趕及前往試場，考試表現還不俗，令考生非常感謝的士司機的幫忙。最後考生提醒大家：

唔好好似我咁大頭蝦，check清楚考場同時間！

以下為帖子全文：

[Guest]我今日考dse中文口語。我以為自己6:00考，但其實喺5:00考，直到今日喺學校(4:45)我同學提我話 :「咦？乜有呢個時段嘅咩？你check吓啦。」我就去咗check，發現真喺5:00考，就即刻衝去搭的。

上到車果吓好不安又好嬲自己，好想喊好心急，跟住同司機講可唔可以快啲，佢即刻加快咗，同埋搵條最快嘅路，好似預知我去考 dse咁。

我實在好想將件事講出嚟舒發吓，佢見我心慌慌就同我吹吓水，叫我鎮定啲，又話:「真喺要快啲囉，希望前面少啲燈」，雖然呢句聽落唔喺啲乜，但睇得出佢嘅關心，真喺幫我平伏番個心情，好感謝佢。仲有我一開始就俾定$50佢，慳番俾錢嘅時間，但最尾超咗錢，個司機話唔洗俾啦少少錢，真係好warm

最後我平安5:00趕到考場，考倒一條幾好嘅題目，表現都比平時好。我口語一向差，合唔合格就真喺唔知，但我可以講今次喺我講得最多，最有信心嘅一次。

好多謝司機，好多謝好好嘅隊友們，同埋好多謝擔心我嘅朋友們，考完見倒你地咁緊張搞到我好感動

最後提醒大家，唔好好似我咁大頭蝦，check清楚考場同時間！

Dse考生們加油！