港女批評新巴士無人清潔 九巴fb神回覆:清潔又點都無公德心

休閒 10:50 2019/03/15

分享:

九巴fb小編一句神回覆不但未有被網民批評,反而贏盡掌聲。

fb小編不易做!日前九巴專頁介紹九巴新車款,但遇到一名港女留言挑機稱「新又點?都無人清潔嘅」,九巴fb小編按捺不住,疑似發晦氣神回覆。九巴fb小編不但未有被網民批評,反而贏盡掌聲,大讚九巴fb小編「講得啱」,隨後不少網民都畀LIKE撐小編,更有網民稱九巴應該將小編升職!

日前(13日)九巴專頁介紹新車款「紅巴2.0」時,遇到一名港女網民留言「新又點?都無人清潔嘅」,九巴fb小編竟親自回覆該名港女稱:

清潔又點?都無公德心嘅

結果疑似一句撻著港女,令二人隨即展開激烈討論,港女再狠狠留言:

咁係咪唔駛清潔?請回答

隨後九巴小編再來一句神回覆:

 我哋當然有清潔啦,如果冇清潔,真係不堪設想

並隨即上載一段【巴士服務背後-清潔篇】的影片,同時留下一句「好片重溫」,完美終結了港女的提問。

有網民將二人激烈的討論截圖轉載至連登討論區,隨即引來網民關注,並愈來愈多網民湧到九巴fb留言、畀LIKE支持九巴fb小編!不少網民都稱,九巴只是「講事實」,並指港女「唔洗咁串嘅」,並指「有乘客整污糟架車好似唔係KMB責任」,更有人反問「九巴有責任清潔,乘客就無責任維持車廂清潔?」

截至3月15日,九巴fb小編的神回覆已經累計逾4800個讚好,更有網民笑言,祝小編於4月公司升職期時可以成功升職加薪!