大叔為追兩蚊巴士車費一直投訴 城巴車長:以為爭你廿萬

休閒 11:19 2019/03/20

分享:

填詞人梁栢堅分享巴士奇遇,目睹有乘客為討回$2車資窮追不捨。

慳得一蚊得一蚊?有巴士乘客為兩蚊車資,跟巴士司機討回失敗,改以不斷打電話投訴追討,全程被填詞人梁栢堅目睹。梁栢堅日前在Facebook專頁上載那位巴士男乘客與巴士司機的照片,並撰文分享他們的對話,分享巴士奇遇。

於3月19日,梁栢堅在Facebook專頁分享巴士見聞,表示坐巴士很多趣事,上載了一張相片,見一名穿格仔恤衫戴眼鏡的中年男士站在城巴車長旁邊打電話。事源是有一名在中環上車的戴眼鏡男士,向巴士車長聲稱剛才乘坐城巴的司機忘記轉收費,而付多了車資,表示想這程付少車資補回,車長回說︰

下冇得咁喎,我呢架收足㗎,你咪俾少。

乘客回說有記低上一程巴士的車牌號碼,表示自己真的遭收多了車資。車長表示不太清楚,著乘客致電城巴公司查詢。此時,眼鏡男站在司機旁開始致電。梁栢堅在旁觀看,一度估計車長會停車,可是他叫乘客打電話,自己照樣開車。

眼鏡男致電予客戶服務,梁栢堅從該乘客的電話內容,知悉他之前搭另一架巴士收多了兩蚊,並記低了客戶服務的職員編號及直線電話,不厭其煩地要城巴給回他兩蚊,然後巴士到銅鑼灣,眼鏡男拍了八達通付了車資然後準備落車,並向司機說︰「麻煩晒車長。」

司機的回應令人感愕然,豪氣串嘴回應該眼鏡男乘客。

唔麻煩呀,你鍾意玩我同你停低架車慢慢玩都得!

眼鏡男乘客聽後當刻不知所措,落車之後行回車頭,並指著跟司機說話,取回尾彩,不可屈服。

依家你係返工㗎唔係玩嘢!

司機不值他窮追不捨回說。

嗰兩蚊喺度搞咁多嘢喺度追,唔知以為爭你廿萬!

身為乘客的梁栢堅當「食花生」看戲,表示為了睇結尾而遲兩個站落車很值得,直指只是這個故事不止值兩蚊,「打和啦super!」

很多網民看發文後留言議論︰「香港人真喺好得意,掙嗰兩蚊窮追不捨,唔見過萬億卻不聞不問 」、「唔係話我自己大口氣,我見到一定攞兩蚊出嚟然後叫四眼佬收聲!」、「 香港人口號:叫你經理出嚟 」、「兩個都有底線原則,兩個都冇阻塞交通煩到其他乘客,說到底都是好漢!」