搵八達通擾攘上車被小巴司機鬧　小學生連環講「唔該」又讚歌喉好融化司機

有家教的小朋友，寧舍得人鍾意！近日有網民分享一單在小巴發生的窩心事件，一名有家教的小學生因上車慢被小巴司機粗聲粗氣對待，但小學生卻有禮向司機連講3次「唔該」，更大讚邊駕車邊唱歌的司機歌喉好，令車上的氣氛好溫暖。

一名女網民在「To Kwa Wan 土瓜灣之友」貼文讚揚一名28M小巴司機和小學生。日前下午3時多，一名小學生在天光道站上車，發現太怱忙漏取八達通，即撲落車問疑似外婆找八達通，擾攘半分鐘後，司機大聲粗聲粗氣問「得未」？小學生找到後飛撲上車。

女網民強調司機並非兇惡，小學生亦沒有放在心上，更坐司機位後面，連講三次「唔該司機」，好有禮貌。

小巴司機邊開車邊播歌，又跟著和唱，唱完一首司機回頭問小學生︰「邊個站落車？」小學生答先達落車，司機說「收到」，小學生再次「唔該司機」，司機已叫他不用太客氣，並繼續在車箱內大展歌喉，此時小學生竟輕聲說︰

你唱歌好好聽……

女網民指司機即刻冧爆，全程繼續又唱又間中與小學生閒聊，令這程車的氣氛好好，更大讚小學生好有家教，斯文有禮。

很多街坊網民對小學生的舉動紛紛讚好，很多街坊更表示坐過該名司機的車，大讚他好人，駕車時經常開iPad、YouTube播放70、80年代的舊歌，想不到小學生也懂得欣賞。

佢真係唱得兩咀，所以有印象。

更重要是街坊覺得他駕車態度好，搭他的車好放心。

以前成日搭佢果（嗰）架紅van實好準時返到工。

依個司機之前渣美孚嗰架紅van，每朝搭佢車返工，好好人成日唱歌，有禮貌渣（揸）車又安全。