日本髮型師爸爸為1歲半愛女Set頭 亂髮變出可愛髮型

親子 12:30 2019/03/29

分享:

日本巧手髮型師爸爸為愛女set頭。

不少父母喜歡生女,貪可以幫女兒扮靚,不過小朋友的頭髮特別幼軟,經常一頭蓬鬆亂髮,要打理扮靚不容易。日本有位髮型師爸爸就為大約1歲多的女兒set頭,將相片及影片上載至Instagram。大家會發現除了馬尾造型之外,小朋友的髮型可以有很多變化,用橡筋髮圈、直髮夾,再配上小髮飾、頭巾及帽子就得。

由一頭亂髮變成整齊得意look。(圖片︰sota1009 IG)

日本一名叫Sota的髮型師爸爸,由2018年9月開始在其「sota1009」Instagram上載影片,影片是他為女兒Hiwa 妝扮set頭,以快鏡縮時攝影拍攝整個過程,見女兒坐在high chair上,一邊吃東西,一邊讓爸爸整理髮型,她未有坐定定,有時東張西望,把玩梳子及玩具。

小丸子頭加上兩側留下少量頭髮,充滿日系風。(圖片︰sota1009 IG)

看似幾個簡單步驟,爸爸就將女兒原本好似「爆炸頭」的亂髮,變成美美的。女兒髮型百變,單以孖辮造型就有很多種,有高低辮之外,也有波波球孖辮,有時加上頭巾、cap帽或卡通帽就變成另一款造型,得意可愛、文青日系風、帶點型格玩味都有,但都不失童趣!

兩個波波球很可愛!(圖片︰sota1009 IG)

孖辮配cap帽,可愛中富型格。(圖片︰sota1009 IG)

父母可參考Sota一些幫小朋友理髮的貼士,包括可以用發熱直髮夾整理夾直瀏海,記得不要調校高溫,一來小朋友的頭髮較成人幼嫩脆弱,熱力過高易弄損髮質,二來怕熱力燙傷小朋友皮膚。Sota教路直髮夾預熱後再關掉,用餘溫幫小朋友夾就可,溫度不需太高。

小朋友戴畫家帽加小蝴蝶結,變成小小文青女神。(圖片︰sota1009 IG)

另外,為小朋友紮辮是很好的方法,造型多之外,更可以增加整齊度,尤其小朋友活潑愛跑跑跳跳,紮辮不會易令頭髮鬆散。而善用頭飾、帽子都不錯!