補習學生被粗口辱罵全家　爛口老師：你老母係咪食錯野生到你咁蠢?

元朗有補習社女老師被揭facebook粗口辱罵學生及家長！有網民在fb「盡在元朗」帖文，指其朋友的子女在元朗一間工作室補習半年，女兒投訴弟弟常被罵及掉簿，更鬧到喊，家長遂安排退學，豈料換來女補習老師在fb惡罵，揚言學生「唔死都無用」，又稱是「有爺生無乸教」。事件揭示補習老師一直在facebook辱罵成績不濟的學生，甚至怒斥：「你老母係咪食錯野生到你咁蠢?」

該網民指，朋友今日通知工作室不繼續補習，未幾有其他人在群組轉載老師帖文辱罵其友人的兒子，全文如下：

終於唔補
恭喜 大解放
唔識教唔好X生，生成3個，生到作隻雞咁
除左口罩對住人咳咳
又玩一地擦膠
一係拎住野食 一路行一路食
唔死都無X用
成績差唔緊要，但行為好衰格
有爺生無乸教，可能d圍頭又無學歷又無品

網友指，各人看完帖文都很嬲，

見佢除鬧人個仔，仲鬧埋父母... ...仲有好多小朋友係佢手上！今日就開po鬧我朋友個仔，下次又鬧邊個呢？

網民還上載女補習老師的其他fb帖文，包括直指男生：

擺到明都唔係讀書，大個左跟佢老豆做司機算吧啦，個老豆唔識字，果仔都係唔識，根本影響想讀嘅學生無機會，下下花時間喺你身上攞答案！

女老師又稱不吐不快：

佢老母以為我哋教錯佢，話做乜功課都錯晒，我又唔打得你，又收埋功課，你唔補我大解放，wakakak！

該補習老師較早前亦曾帖文，上載2幅圖片，上圖是一名名校女生在地鐵做功課，下圖則是一名元朗學校的學生。她說：

簡直比下去，人哋努力爭取向上游，下面嗰條友仲傻更更嘥時間喺度喊緊，所以喺邊度就會遇咩質素嘅人，學習風氣好重要，我都好怕第時自己仔女同呢班人一起生活，所謂近朱者赤近墨者黑，我都要勤力d搵錢畀d好質素為下一代！

補習老師帖文語不驚人誓不休，另有一則指寫到：

學左年幾兩年仲係咁，都小學
你死X左去算吧
畫晒圖都可以記唔到
上到小學生A至Z都有困難
你老母係咪食錯野生到你咁蠢?

網民紛紛留言補習老師枉為人師，粗口爛舌學人開補習社，

講到自己咁勁 ，咁勁出九龍塘幫人補嘛 ! 講到元朗人同圍頭人咁差 ，自己咪又喺度搵元朗人錢！

據fb顯示資料，該女補習老師正是工作室的創辦人。TOPick記者致電工作室，一名自稱負責掃地多年的陳小姐否認有該涉事補習老師，稱自己沒有上網不知有關事情，但任何人都可以在網上發帖，而帖內又沒有清楚說明人物及事件，難以證實內容是否真確。當被問及最近有否學生退學，陳小姐指有學生退學，亦有學生加入，不知記者要找那一位學生。