替32歲處男兒子索病假紙遭拒 港媽診所發爛:你犯法關我咩事

親子 11:15 2019/03/30

分享:

早前有港媽帶同32歲兒子到診所看病,聲稱兒子仍然是處男,只是細路仔,拒絕向診所姑娘出示證明文件登記,引發網民熱議。診所的醫護人員近日再在「西客之道」facebook專頁投稿,指該名港媽再次到診所為兒子索要病假紙,被醫生拒絕後竟然強霸醫生房發爛渣,更驚動警方到場調停。

港媽上次拒絕出示兒子身份證,但今次很「得戚地」飛張身份證入登記處窗口,「嗱!身份證呀!掛號啦八婆,都唔知您係咪想溝我個仔先死都要佢張身份證。」32歲的兒子繼續打機,登記交由媽媽代勞。

由於診所多人需時輪候診症,港媽不停催「話自己個仔病到就死,煩大堂其他病人讓佢個細路仔睇先喎,但無病人理佢,亦無人肯讓佢」。

輪到該對母子看醫生,卻傳來吵鬧聲。港媽聲稱兒子因患病睡足全日,沒有起床上班,要求醫生寫回早一日的病假紙,醫生以犯法為由拒絕,誰知港媽大發雷霆,「你犯法關我咩事,總之我畀錢你比張假紙我個仔,我個仔公司無咗佢唔得架。」

港媽吵鬧期間,32歲兒子繼續坐在病人椅打遊戲機。港媽繼續發惡,姑娘形容「佢呀媽癲咗咁打開醫生房門,係咁對著大堂叫話呢間診所啲人正X街,蝦佢家爺仔乸,又話我哋唔開假紙畀佢個仔,想佢病死想佢失業……」

港媽轉而到登記處鬧護士欺負她的兒子,「呢啲女人正衰人,個仔咁純真咁好,點解你要夾埋個醫生蝦佢,肯定係(護士)上次溝唔到個仔,所以今次咁毒唔比醫生開假紙畀佢」。

診所有病人見狀報警,警察到場將港媽帶離診所,但經過調停也無能為力,港媽擾攘1小時後才離開。警察轉交了醫委會的電話號碼,叫港媽若有不滿意可打去投訴。

延伸閱讀:帶32歲兒子看醫生拒出示身份證 港媽斥姑娘為難:他是處男是細路仔