要求護士帶女兒去廁所兼幫手抆屎 港媽:我對手無掂過呢啲嘢

親子 16:56 2019/04/01

分享:

港媽要求護士帶女兒去廁所兼幫手抆屎。

小朋友如厠後,媽媽幫手清理是正常不過的事,但有一名港媽帶女兒去診所求診,其間女兒急大便,該名港媽卻要求診所護士帶女兒去廁所,甚至要求護士幫忙抆屎,直言「工人今天放假,我生佢出嚟已盡本份,我對手冇掂過呢啲嘢,一次都冇!」貼文一出,大批網民直斥該名港媽極品。

診所護士「珍寶豬」今日(1日)於其facebook專頁「診所低能奇觀」發帖分享經歷,指一名港媽帶著女兒到診所等候看醫生,期間女兒想去廁所,該名港媽竟要求護士帶她女兒去廁所,當護士回應「你同自己個女去好正常啊?」該名港媽竟稱,

我唔會理呢啲嘢囉,我個工人今日放假呀!

當護士稱對方是小朋友媽媽時,幫女兒抆屎好正常時,該名港媽竟大言不慚稱,

我已經生咗佢出嚟,做咗我應該做嘅本份,佢出世到而家我都唔需要同佢換片沖涼,陪月又有工人又有,我對手冇掂過呢啲嘢,一次都冇!

該名港媽更呼喝護士快去幫手,

你仲坐喺度?仲唔出嚟?佢一陣喺度去咗嘅話,你買衫褲俾佢換呀?佢啲衫係咩牌子你知唔知呀?分分鐘貴過你一日人工呀!

護士堅持不肯帶小朋友去廁所,但對方竟說會向診所老闆投訴。最後小朋友稱,工人曾有教過如何如廁,可以自己去。港媽竟對女兒說,

你對手唔係用嚟做呢啲嘢㗎!

帖文一出引起網民熱議,大批網民直言該名港媽極品;有網民稱替小朋友感到可憐,「凳個小朋友慘.....有啲咁嘅媽媽.....希望佢將來唔會好似媽媽咁!」;有網民直言生仔要考牌系列;有網民稱,「反眼反到世界邊端!」、「呢d咁既人都生仔女, 真係世界末日, 好在個女話識自理....」。