張頴康從麥雅緻爸爸身上感受男人的承擔 張頴康:爸爸會搏晒命去保護家庭

娛樂 11:16 2019/04/05

分享:

張頴康憶當年外父駕駛長途車送麥雅緻的舊時。

張頴康與太太麥雅緻一向是模範夫妻,二人育有4歲女兒張雅喬(Makayla)及1歲兒子張迅橋(Makson)。最近張頴康一家四口由上周起出發往美國旅行,日前張頴康在「張頴康麥雅緻專頁」上載一張拿住一杯酒卻滿臉倦容的相並寫道:

好記得9年前第一次跟我老婆嚟美國(嗰陣時仲係女朋友咋,但係都偷步叫緊佢做老婆😝)

有一晚,我哋喺洛杉磯玩完要返三藩市!但係我老婆突然間發燒好唔舒服,我外父即刻二話不說車我哋返去!「車我哋返去」唔係講緊上水去香港仔,而係5個半鐘頭嘅車程呀!

喺呢5個半鐘頭嘅車程裡面,我見到我外父一邊頂住眼瞓、一邊好努力好小心咁揸車送個女返屋企!

當時我只係覺得,原來一個爸爸錫自己個女...係可以去得咁盡㗎!

所以今日,我由洛杉磯揸車去到拉斯維加斯,就算冇5個半鐘,但係都有4個半鐘!(揸呢程車真係好攰好眼瞓,完全要諗住車上面瞓咗嘅老婆、小豆同小花生先至撐得住)

我咁講並唔係要比較,而係想俾大家知道,原來做咗爸爸之後,真係會搏哂命咁去保護自己嘅家庭!

喺呢一刻,老婆、小豆同小花生都瞓咗喇!我終於可以獎勵自己少少喇!早抖!

(取自張頴康麥雅緻專頁)

太太麥雅緻亦都好識做,翌日在專頁發文:

經過四個半鐘嘅車程, 我哋尋晚個個都大昏迷, 差足電之後今日又出發嘞!

爸爸好厲害哦, 一個人開車照顧晒我哋, 所以我哋覺得好快就到⋯

今次係我哋第一次一家四口旅遊,雖然有啲攰不過真係一個好好嘅體驗⋯

相中所見一家四口樂融融,十分sweet。

(取自張頴康麥雅緻專頁)

現年37歲的張頴康出名是愛妻號,同是37歲的麥雅緻亦是賢妻。張頴康出身基層,4歲遭母親離棄,父親亦在他10歲時另娶太太,故父子關係漸疏遠,而他由祖母獨力撫養,

麥雅緻則是家境不俗的千金小姐,10歲移居美國三藩市,擁有三藩市大學(University of San Francisco)教育碩士學位,2005年參選香港小姐而入行。

二人在2008年拍拖,2012年共諧連理。在丈夫張頴康在TVB未得志仍處奮鬥期時,麥雅緻一直默默支持,結果在2016年,張頴康入行的第16個年頭摘下《TVB馬來西亞星光薈萃頒獎典禮2016》「最喜愛TVB飛躍進步男藝員」,演技受到肯定。

(取自張頴康麥雅緻專頁)

此外,張頴康患有銀屑病,麥雅緻一直悉心照顧陪伴丈夫抗病,現在他的銀屑病基本已清除。他曾接受TOPick訪問稱感激太太一路上的陪伴:「她跟我一起找方法醫治,我會形容太太陪我打這場仗的拍檔。因她一方面很支持我,另一方面就很嚴謹地看管着我,讓我生活健康,減低病發的機會。」

張頴康在今年1月5日曾在社交網發文稱:「假設12年前,我哋由小學一年級開始相識,拍拖直到今日,我哋就中學畢業喇!如果畀我再揀多次,我一樣會決定喺四年後大學畢業即刻娶你做我老婆!我愛你!」果然文章一出,旋即引來一眾網民祝福他們天長地久。

撰文 : TOPick柴犬出動