【人性抉擇】前度建議夾錢買樓 連登巴打怕女友嬲:邊有女人接受到

精明消費 10:39 2019/04/22

分享:

有巴打稱前度女友建議夾錢買新樓,但怕現任生氣。

樓價一升再升,現今香港憑一人之力難儲夠首期上車買樓,不少人都靠父母、親戚夾錢買樓。不過,假如夾首期的對象是前度女友,你又會接受嗎?日前一位連登巴打發帖求指點,稱前度女友建議夾錢買新樓,巴打怕現任女友生氣而未即時答應,但又怕錯過今次機會日後難再上車,因此求各位網民建議。

日前一位連登巴打以「【道德淪亡】打算同EX 一齊買樓」為題發帖,指曾拍拖逾十年的前度女友建議一起夾錢買新盤。巴打指,同前度拍拖多年但相處不來,分手後二人關係猶如家人,各自都有新的另一半,並都已經發展至談婚論嫁階段。據巴打指,二人「好似屋企人一樣經常Contact」,前女友本身家中有錢,更稱有「幾億身家」,巴打則出身窮,雖然現時工作漸漸賺到錢,但如沒有其他人協助2至3年內難以買樓上車。巴打指,日前與前度女友聊天談到新樓,前度建議「不如一齊買樓,呢個盤必賺」。巴打稱,知道前女友並非想炒賣賺錢,而是想幫他上車。據巴打指,假如二人夾錢買樓,樓契將寫二人的名字。

巴打續指:

問心我當然想啦,但諗深一層,畀女朋友知就仆X,仲有可能之後好麻煩。如果你係我, 你會唔會接受呢個Offer ??

巴打雖心動想買樓,但他又指現任女友對於二人分手後仍經常聯絡毫不知情:

宜家女朋友唔知我哋日日Contact架,邊有女人接受到。

不少網民看過巴打分享後都即時稱「會接受Offer」,又指只需要與現任女友開心見誠說明一切便可,並有人建議與前度夾錢前一定要清清楚楚寫好借據,以免日後有爭拗。當然亦有網民指,如果自己是巴打的現任女友一定會嬲到即時分手,難以接受與前度偶斷絲連。

另有網民稱這件事的重點並非女朋友會否呷醋,而是作為男人的自尊心及尊重另一半的問題:

唔係尊嚴既問題,係尊重既問題,現任個心態根本唔係志在買唔買到樓,係想同你一齊捱層樓返黎,希望同你過埋下半世呀!

不過亦有網民質疑巴打經歷的真實性,懷疑巴打作故仔。