坐巴士食到一地餅碎拒絕清理 大媽︰架巴士你買咗呀?

親子 12:10 2019/04/23

分享:

有大媽在巴士上公然食餅食到一地餅碎,有乘客看不過眼上前勸阻,反被大媽以粗口辱罵。

葉德嫻都有教,搭公共交通工具要有公德心,但有大媽依然不守規矩,在巴士上公然進食兼聲大夾惡。有港男乘搭一輛行走新界線的巴士時,見到車尾一位肥胖大媽正在食餅,更食到一地餅碎,好心上前勸喻時,大媽反以粗口大罵對方多事,拒絕清理。

港男不忿對方的態度囂張,向大媽拍片影相,放上facebook群組《巴士的事討論區》將大媽的惡行公審。從影片中所見,大媽先坐在車尾位食餅,拍片港男直指大媽食到一地餅碎,大媽隨即發惡以粗口辱罵對方︰

我唔小心得唔得,報警囉!多X餘,費X事睬你!

港男再次勸喻大媽執拾地下的餅碎,大媽拒絕清理,更叫港男要執自己執來食,態度惡劣,更換位上前一排坐繼續食。

港男鍥而不捨上前繼續理論,大媽愈講愈激動,連珠炮發粗口大罵港男執著這些鎖碎事,不是男人所為。

無嘢理,你搵啲餅乾嚟理,係咪得閒得滯?你係咪男人嚟㗎?放上網啦,紅晒呀你!大把錢收啊!關你咩事啊?呢架巴士你買咗呀?癡線㗎呢啲咁嘅人!

大媽強調自己是不小心弄跌餅碎落地,「我唔信你唔跌垃圾落地下嘅,唔小心整落地下關你X事!」港男最後無奈道,「我都係叫你執一執佢啫。」

網民一致鬧爆大媽毫無公德心,港男已盡力勸喻,不像其他乘客如車尾的夫婦冷眼旁觀,只顧玩手機。

可悲嘅係……冇人幫手。
葉德嫻喺邊?

有人認為港男應該通知車長處理,除了巴士不准飲食外,大媽食到一地餅碎已構成車廂內亂拋垃圾可被控告,「可以要求車長駛埋一邊,起碼要佢執番垃圾。」