芒果果肉長滿黑線似「腳毛」　網民留言：要做激光去毛【附達人拆解】

夏日炎炎，又開始食芒果的季節。有網民在網上發帖指自己買了一個長滿「腳毛」的芒果，令不少網民又驚又笑。網民在群組「今晚煮乜餸？？」發帖，指「點解一開個芒果，個樣生滿晒腳毛咁嘅？仲食唔食得？」並附上一張佈滿類似根狀、黑色線條的芒果照片。

▲ 網友一切開，只見芒果肉佈滿黑線。(圖片來源：Facebook今晚煮乜餸？？群組)

帖文一出馬上引起網民熱議，大量網民搞笑地留言：「搵個鉗夾曬啲毛出嚟先好食」、「好似靜脈曲張」、「擺咗好耐？佢悶到生鬚根」、「杰他他老伯對腳咁款！」、「去做個激光就食得」、「我係一個壞左既芒果」、「腳毛芒、Man go、好有男人味」、「我有脫毛機，幫唔幫到手」等。亦有網民分享以往經驗：「壞咗，上次我食咗個有小小黑毛的，屙咗四次」、「我都試過，我搣曬啲毛，照食」。

到底這些黑線是什麼？還可以進食嗎？TOPick就此請教了果欄「游炎記」負責人琪琪，琪琪表示，芒果有黑線的情況較奇怪亦很少見，但沒什麼大不了，可能是因為芒果較老，所以生出類似根狀物體，即日常在芒果核所見的根一樣，不排除也有機會是變壞，建議不要食用。

她又指，相片中的芒果肉質硬身，沒有破爛，相信購買時外表應無異常、「睇唔出」，要切開後才發現問題。另外她表示，黑線應是本來種植時就已出現。