孝順蔡卓妍帶91歲嫲嫲台灣旅遊　 孝順阿Sa：嫲嫲就是我最親最愛的人

出名孝順的蔡卓妍（阿Sa）襯工作有空檔，最近帶同91歲高齡的嫲嫲到台灣旅遊，在阿Sa個人社交平台上載照片可見，91歲的卓嫲嫲依然非常精靈，難怪蔡卓妍都稱讚嫲嫲「行得快，食得多」，稱對方完全拍得住年輕人步伐。

阿Sa在個人社交媒上載與蔡嫲嫲在日月潭的合照，並配文：「我想話我阿嫲真係好堅，下個月就92歲，仲可以四圍去旅行，行得仲快過我，食嘢仲多過我，又貪靚，一影相就話要帶返副超先。」之後更標籤「好可愛嘅少女嫲嫲bb 」及「南投日月潭」。

▲ 蔡嫲嫲都是貪靚一族。（取自阿Sa IG）

蔡嫲嫲一出現，不少明星好友都紛紛留言，先有周勵淇留言：「婆婆好，很久沒見了！」，關智斌亦稱讚蔡嫲嫲是「Wonder嫲嫲」，經理人霍汶希（Mani）亦留言「少女嫲嫲bb」。

阿Sa與蔡嫲嫲感情深厚，曾經公開表示：「除咗爸爸媽媽，嫲嫲就係我最親最愛嘅人，我阿嫲真係好可愛好搞笑㗎，係一個非常好嘅人，成日都幫人，就算自己蝕底都唔計較，超級無敵樂觀仔就係佢喇。」

▲ 阿Sa與嫲嫲感情甚好。（取自阿Sa IG）

阿Sa亦深得蔡嫲嫲真傳，人緣甚佳為人又重情重義。早前在社交媒體分享了一張與失散25年的工人姐姐Eden的合照，感激工人姐姐為自己的付出，亦是阿Sa重情重義不忘本的個性，才能在娛圈屹立多年。