Last Day派散水餅被上司窒「非人所為」 地盤員工反擊:我都係有樣學樣

職場 13:28 2019/05/06

分享:

地盤員工last day在WhatsApp群組以長文霸氣回應上司。

不少打工仔離職時,都會買散水餅送給上司及同事,維持良好關係。不過近日流傳幾張WhatsApp截圖,有地盤職員離職前買了散水餅多謝同事照顧,竟被上司狂窒他離職是非人所為,該員工以長文回覆力數上司,神回覆令網民大指「好舒壓」!

有人將3張對話截圖上載至Facebook「香港兼職散工群組(招聘、求職、請人、搵工)」群組,並留言「條友喺離職者走嗰日話人,之後比人反串,件事好舒壓」。可見第一張截圖中,有一位Site Engineer即將離職,留下3盒散水餅,在WhatsApp群組中感謝同事一直以來的教導及照顧。

不過一位上司竟不領情,很快就回覆「乜喺地盤危急時散水,係人所為?」。

離職的同事在last day仍然被窒,當然心有不甘,以長文回覆力數上司缺點。他先道出上司平日教他「地盤一日未完,每日都應該係危急時間」,嘲諷他不應該劃分現時為危急時間。又表明自己近半年已盡力完成龐大的工作量,但自覺仍未達到他要求,並提到近2個月有不少人離職,反問上召:「有無反省點解造成今日呢個局面?」

他又指在該地盤做了5年,「所謂無功都有勞」,覺得上司的言論令人心寒,更反擊上司「人格、素質以及涵養都有好大問題」,叫他有空多看書,不要做無品德的人,因為上司有小朋友,希望他能好好教育下一代。

而在人格方面,該Site Engineer指上司已無得救,叫他無謂浪費時間及心力,最後上司在「唔係人所為」方面才是大宗師,「我呢啲蕃薯仔都係有樣學樣,都係嗰句,多謝你嘅教導」。

不少網民留言大讚離職員工好文采,即使整段對話一個粗口都沒有,但是說話卻比粗口更難聽,特別是「有樣學樣」一句實在大快人心。大家又力撐該名Site Engineer,更指「人哋都係打份工㗎啦,唔係賣命呀」。

完整對話如下:

(圖片來源:香港兼職散工群組(招聘、求職、請人、搵工)Facebook)

(圖片來源:香港兼職散工群組(招聘、求職、請人、搵工)Facebook)

(圖片來源:香港兼職散工群組(招聘、求職、請人、搵工)Facebook)