9個大BB高燒多日媽媽信偏方拒入急症 中醫:幼兒發燒應立即求醫【內附中醫解說】

健康 11:56 2019/05/17

分享:

9個月大BB高燒4日,媽媽仍拒帶兒子睇醫生。

小朋友發燒後果可大可小!有網民投稿至「生仔要考牌系列」Facebook專頁,提到只有9個大的侄仔發高燒,阿嫂以不同理由拒絕求醫,甚至迷信偏方,都拒絕帶BB看醫生。最後BB一直不退燒才被爺爺嫲嫲帶到診所,才知BB已經燒至40度,要立即送急症。

媽媽:搵咗偏方畀BB退燒

BB的姑姐投稿至「生仔要考牌系列」Facebook,表示侄仔只有9個月大,5月4日(星期六)與父母(即樓主的哥哥阿嫂)從大陸回港後開始發高燒。直至星期一,樓主一家致電給BB父母,發現侄仔仍未退燒,叫他們立即去睇醫生,但阿嫂仍說要等老公放工。到老公放工後診所已關門,因此他們又沒有帶BB去睇醫生。

翌日(星期二),樓主再致電關心侄仔情況,發現他們依然未帶BB看醫生,阿嫂又說要等老公回來才去,最後BB的爺爺堅持下才肯往求診。不過,看了一次醫生後BB兩日後仍未退燒,樓主一家就建議他們去看急症,但阿嫂又以諸多理由阻止:

阿嫂一時話上次醫生開啲藥未食晒,一時又話網上搵咗偏方,煮荷葉綠豆湯畀BB退燒(我心諗係咪痴X線㗎),再講又係話要老公陪先去。

最後要爺爺嫲嫲出動將BB帶去診所,阿嫂則留在家沒有陪同。經醫生檢查後,發現BB已經燒到40度,要立即到急症室。於是樓主叫阿嫂準備身份證明文件去醫院,阿嫂竟然回答:

你上嚟拎完BB出世紙,你哋帶阿B去得唔得啊?我想喺屋企等你阿哥放工返嚟一齊食飯~

阿嫂不負責任的行為令樓主大呼:

到底呢個世界係咪有人會咁痴線啊!?

荷葉綠豆湯或加重病情

對於「荷葉綠豆湯」這個偏方,本港註冊中醫馬琦傑表示荷葉綠豆湯有清熱解毒的功效,對皮膚上因熱毒所引起的紅腫熱痛疔瘡等有所療效。如果小朋友是因熱症引起發熱,喝荷葉綠豆湯會有少許幫助。但如果是因寒症或其他情況所引起的發熱,則會加重病情。

馬醫師表示,年紀較少的小朋友表達能力有限,加上大多數家長都未必有足夠醫學知識,如果幼兒有發燒情況出現建議立即求醫,不能以發燒日數去決定是否求醫。