杜汶澤《走佬去馬拉》檳城睇樓　香港公屋價錢買獨立屋：笑笑下都想喊

ViuTV節目《走佬去馬拉》由杜汶澤主持，講述他早年到馬來西亞生活的「走佬」日子，分享當地衣食住行的資訊。其中一集阿澤帶觀眾去睇樓，其中一個逾3千呎的大屋只售港幣400萬，令阿澤越講越心酸。

杜汶澤去年為ViuTV拍攝節目《走佬去台灣》大受歡迎，最近再推出第二輯《走佬去馬拉》，講述早年阿澤被「封殺」，到馬來西亞當地拍電影時的生活。當中亦分享了許多生活資訊，例如買樓、飲食、投資等等，讓有意移民當地的港人了更多。

▲ 得知當地「中等價錢」的獨立屋呎價，阿澤哭笑不得。（節目截圖）

其中一集，阿澤帶大家到檳城睇樓。第一個單位是建築面積3480呎的獨立屋，地產經紀指這單位在當地只屬「中等」呎寸。

獨立屋一進門就是書房，內進除了有普通客廳、飯廳外，還設用特別用來「嘆下午茶」的偏廳，連廚房都有分兩個，分別用電子爐和明火。

由於該獨立屋兩邊都相連另一座房子，故特地有中間庭院的設計，讓房子有開揚的感覺。獨立屋的一、二樓分別是多間套房和娛樂房，3000多呎的實用面積，售價約港幣480萬元，呎價大約1300元港幣。

▲ 獨立屋除了面向海景，房子中間更設有庭院。（節目截圖）

相對香港的「納米樓」，以及上萬元的呎價，阿澤聽到檳城獨立屋的價錢，實在是笑中有淚：

400幾萬港紙買三千幾呎。400幾萬係香港買個公屋單位，仲要老連咁遠（位置偏遠），返工坐巴士坐兩個鐘，笑笑下都想喊。

經紀分享的另一個單位，是「檳城樓王」海景公寓，特色是每一個房間甚至書房都設有獨立廁所。

當阿澤走到大廳時，問到經紀何解這麼大的客廳沒有電視，經紀幽默地謂：「我哋呢度唔興睇電視，我哋睇海景。」

▲ 阿澤與地產經紀的對話充滿黑色幽默。（節目截圖）

阿澤面對海天連成一線的大海景，讚嘆聲連連。單位最誇張的，是連傭人房都有海景，甚至套廁，比起香港不少「主人房」更好。經紀更笑言傭人房是連單位附送，同時還附送兩個車位、海景及海浪聲。

阿澤亦不禁謂：「睇到呢啲嘢（無敵大海景）都係前世做咗好事。」這個近2800呎的無敵海景單位，折實價約750萬港幣，呎價只需約2600港幣，阿澤即謂：

香港邊度有2600蚊一呎？有無時光機呀？