一家三口去樂園不滿排隊遇截龍要轉櫃位 港媽喝斥職員:收聲我要見管理層

親子 10:54 2019/05/20

分享:

一家三口去樂園排隊遇截龍,野蠻港媽不滿要轉櫃位喝斥職員。

社會近年形成一股「投訴風」,有網民近日在網上投稿,稱在大嶼山主題樂園做兼職時,遇到一對夫婦帶著孩子到樂園遊玩,排隊購票被職員截龍要求轉櫃位,港媽即時不滿,更喝斥職員,「收聲呀!我而家要投訴呀!我要見管理層!」

一名自稱在大嶼山一主題公園做兼職的網民,日前在facebook專頁「西客之道」投稿,稱自己曾在園內不同部門工作,早前在樂園門口的售票櫃位工作時,因樂園會按人數及時間陸續關閉櫃位,並安排客人集中在某些櫃位排隊。

樓主稱,當日臨近午飯時間,樓主的同事安排其中一邊櫃位「截龍」,並指示客人到另一邊繼續排隊,期間一對夫婦帶著孩子從遠處走近,職員向他們稱,

唔好意思呀,因為我地呢邊會暫停運作,或者你可以過返對面嗰邊吖唔該你......

該名港媽獲悉要「截龍」後大感不滿,當見到截龍前最後一批客人在購票時,即時質問:

即係未收啦!咁點解你唔做埋我地先呀?我地帶住個小朋友咁辛苦,天氣又熱,都係一張半張飛啫!我地喺門口停車場嗰度等咗咁耐度無車位,個停車場咁遲開你又唔通知我地,你叫你地啲管理層落嚟,我要俾佢地睇到你地管理得幾咁差呀!

無論職員如何解釋,稱該購票櫃位已截龍,但港媽完全不加理會,仍怪責職員,

都未收!你地淨係企喺度唔做嘢,點解你地做野咁差㗎!叫你啲管理層落嚟,睇下你地做得幾差呀!

樓主見狀上前協助同事,即被港媽打斷,

我唔要同你地講野!我要見管理層!

樓主稱,如想投訴又不想排隊,可幫忙記錄下資料,結果港媽大罵:

收聲呀!我而家要投訴呀!你都無聽我講嘢!我實投訴晒你哋咁多位!

貼文一出引起網民熱議,有網民稱,該位港媽野蠻,「只有她講,都不讓其他人講!」;有網民認為,該位港媽沒做好身教,「帶住小朋友,會令小朋友學到足,大個就一樣咁對佢!」;另有網民稱,最好的方法是,「應該唔出聲繼續做自己野由佢講到無野講為止先。」