港媽帶未學行BB堅持買學生餐 經理反問:你個BB食唔食到呀?

親子 11:39 2019/05/21

分享:

有餐廳店員表示,有港媽帶著未學行的BB要求買學生餐。

不少餐廳會推出較優惠的學生餐,以切合學生經濟能力,一般會規定出示證明以證學生身份。有餐廳店員表示,有港媽帶著未到適學年齡的子女要求買學生餐,事件更並非冰山一角,讓他非常無奈和不解。

自稱任職牛肉飯專門店的店員於Facebook專頁「西客之道 Hispitality Secret」投稿,指公司有規定顧客需穿著校服,或岀示有效學生証才能購買學生餐,而他們也理解並非每間小學都有學生証,所以「出示學生手册當學生証」亦能酌情處理。

不過某日有一位港媽無視規定,帶著仍坐在嬰兒車上、未學行的孩子,到餐廳要求買學生餐,因為未見她有與任何「學生」同行,店員於是禮貌問「小朋友係邊度」,豈料港媽激動表示

有無搞錯啊,咁大個小朋友都睇唔到?!

示意小朋友就是該個坐在嬰兒車上、未學行的孩子。

店員見狀解釋要出示學生證或身穿校服才能購買學生餐,但就遭港媽崩潰反駁

我小朋友咁細個,唔係學生係咩?佢唔通返工咩?!

店員無奈之下請餐廳經理幫忙處理,經理明確表示會依照公司規定處理,並反問港媽:

學生餐係學生食嘅,賣比學生嘅,你個小朋友…就算真係我賣個牛肉飯畀你,你個BB都食唔食到呀?

請港媽放棄,改買主套餐。而港媽見始終無法購買學生餐,最終「臉都黑晒」離開。

店員於投稿指出學生餐「爭議」並非單一事件,他亦曾見過有港爸與未有穿校服,及未帶同任何學生證明的女兒到餐廳準備用餐,店員同樣地解釋公司有規定,卻被港爸不斷以粗口攻擊,不但嚇怕女兒,就連顧客都看不過眼表示,

你教壞你個小朋友都算,你教壞埋在場所有包括我個小朋友,點解唔關我事?人地都講到明要校服或者手册先買得,好心你唔好咁難睇,仲要嚇到自己個女喊成咁,你個女好慘呀。

令港爸唯有「黑住臉」重新排隊購買2個主套餐。