打工仔白事請假後上班飲珍珠奶茶 涼薄上司質疑:都唔知攞假係唔係講真話

職場 12:25 2019/05/21

分享:

打工仔請白事假,上班喝珍珠奶茶時竟被上司暗串。

如有親人過身,打工仔難免要請假為先人打點身後事,而多數上司對同事請白事假都不會質疑。不過近日有網民投稿,指同事的因爺爺過身而請假,回公司時買了珍珠奶茶就被上司暗串!

有網民投稿至「奴工處」Facebook專頁,指有同事因爺爺過身而需要請假。在請完假回來當天,他在吃午飯時買了一杯珍珠奶茶回公司,上司竟然說出風涼說話:

有心情買珍珠奶茶,都唔知你之前攞假係唔係講真話……

默默在旁工作的投稿人聽完不禁呆了,決定將這段對話投稿上「奴工處」。

網民:咁涼薄嘅說話都講得出

帖文引來大批網民回應,不少人都批評這位上司的做法,留言「呢啲上司真係好涼薄,冇人性」、「咁涼薄嘅說話都講得出」。有網民認為上司的邏輯有問題,「請問邊個鄉下習俗係屋企有人過身唔飲得珍珠奶茶呀?」,又曲線抽水「親戚過身應該唔開心到不吃不喝一個月」。

帖文中並沒有提到該名打工仔如何回應,有網民建議該他應「即刻飲啖珍奶然後噴佢」、「印阿爺大頭相同死亡證貼滿佢枱頭」,更有人指他應該請上司去葬禮,「拎埋先人張車頭相擺佢檯面叫佢自己問下真定假」。

有網民分享類似經歷,指母親死後,上司直指他「腳頭唔好」叫他自己辭職。有打工仔曾經試過向公司請假去阿公喪禮,人事部同事竟問:「你唔似嘅?」。亦有網民的親人身體狀態很差需要住院,不近人情的經理竟說:

我估你都唔洗睇成日,探病時間去到8:00,你到時9點返黎未得囉!反正你係醫院都做唔到啲乜!